ഇരിട്ടി: കണ്ണൂര് ജില്ലാ കളരിപ്പയറ്റ് ചാംപ്യന്ഷിപ്പില് ദേശീയ വിഭാഗത്തില് 36 പോയിന്റ് നേടി കാക്കയങ്ങാട് പാലപ്പുഴ പഴശ്ശിരാജ കളരി അക്കാദമി ചാമ്പ്യന്മാരായി. അക്കാദമിയിലെ മത്സരാര്ഥികള് 19 ഇനങ്ങളില് മികച്ച വിജയം നേടി. പങ്കെടുത്തവരില് 30 പേരും പെണ്കുട്ടികളാണ്.
പേരാവൂര് കണ്സര്വേഷന് സൊസൈറ്റിയുടെ നേതൃത്വത്തിലുള്ള പഴശ്ശിരാജ കളരി അക്കാദമിയിലെ ജില്ലാ കളരിപ്പയറ്റ് അസോസിയേഷന് ട്രഷററായ പി.ഇ. ശ്രീജനാണ് കുട്ടികള്ക്ക് സൗജന്യ പരിശീലനം നല്കുന്നത്. ദിവസവും രാവിലെയും വൈകിട്ടും ശനി, ഞായര് ദിവസങ്ങളിലും ചിട്ടയായ രീതിയില് ശാസ്ത്രീയ പരിശീലനമാണ് നല്കുന്നത്. ഡിസംബര് 31, ജനുവരി ഒന്ന് തീയതികളില് തിരുവനന്തപുരത്ത് വച്ച് നടക്കുന്ന സംസ്ഥാന കളരിപ്പയറ്റ് ചാംപ്യന്ഷിപ്പില് പങ്കെടുക്കുന്നതിനുള്ള ഒരുക്കത്തിലാണ് വിദ്യാര്ഥികള്.
അതുല്യ രാജു, വി.കെ. സംവൃത, കെ. വിഷ്ണു, വിസ്മയ വിജയന്, ആര്ച്ച ബാബു, കെ. അനുശ്രീ, അനന്യ ഉണ്ണികൃഷ്ണന്, അഞ്ജന ആനന്ദ്, പി.കെ. ഐശ്വര്യ, എം.ശില്പ, സുബിന് സുരേഷ് ബാബു, ആതിര ബാലകൃഷ്ണന്, അജന്യ സജീവന്, എ. ശ്രീഷ്ണു, ജയസൂര്യ പ്രഭാകരന് എന്നിവരാണ് സംസ്ഥാന തലത്തിലേക്ക് തിരഞ്ഞെടുക്കപ്പെട്ടത്.
പ്രതികരിക്കാൻ ഇവിടെ എഴുതുക: