ന്യൂദല്ഹി: കറന്സി ഉപയോഗം കുറച്ചുള്ള സമ്പദ് വ്യവസ്ഥയ്ക്കും ഡിജിറ്റല്, ഓണ്ലൈന് ഇടപാടുകള് പ്രോത്സാഹിപ്പിക്കാനും കേന്ദ്ര സര്ക്കാര് കൈകൊണ്ട നടപടികളെക്കുറിച്ച് കേന്ദ്ര വാര്ത്താ വിതരണ പ്രക്ഷേപണമന്ത്രി വെങ്കയ്യനായിഡു മന്ത്രാലയങ്ങളിലെ ഉദ്യോഗസ്ഥരെ അഭിസംബോധന ചെയ്തു സംസാരിച്ചു.
അഴിമതിയും കള്ളപ്പണവും കുറച്ചുകൊണ്ടു വരാനും പരിധികളില്ലാത്ത ഇടപാടുകള്ക്ക് കാലതാമസം ഒഴിവാക്കുന്നതിനുമുള്ള ശ്രമത്തിനാണ് കേന്ദ്രം തുടക്കമിട്ടതെന്ന് അദ്ദേഹം പറഞ്ഞു. സര്ക്കാരിന്റെ ജന് ധന് യോജന,ആധാര്,മൊബൈല് സംരംഭങ്ങള് ഈ പരിവര്ത്തനത്തിന് സൗകര്യമൊരുക്കും. എല്ലാ ഉദ്യോഗസ്ഥരും, കറന്സി രഹിത, ഡിജിറ്റല് ഇടപാടുകളിലേക്ക് മാറണം. ദൈനംദിന ഇടപാടുകള് കറന്സി രഹിത, ഡിജിറ്റല് ഇടപാടുകളിലാക്കണം.
കേന്ദ്ര വാര്ത്താ വിതരണ പ്രക്ഷേപണ സഹമന്ത്രി കേണല് രാജ്യവര്ദ്ധന്സിങ്ങ്റാത്തോഡ്, സെക്രട്ടറി അജയ്മിത്തല്, നഗരവികസന മന്ത്രാലയത്തിന്റെ സെക്രട്ടറി രാജീവ് ഗൗബ, പാര്പ്പിട നഗര ദാരിദ്ര്യ നിര്മ്മാര്ജ്ജന മന്ത്രാലയവകുപ്പ് സെക്രട്ടറി ഡോ. നന്ദിതചാറ്റര്ജി, കേന്ദ്ര വാര്ത്താ വിതരണ പ്രക്ഷേപണ മന്ത്രാലയത്തിലെയും, നഗര വികസന പാര്പ്പിട നഗര ദാരിദ്ര്യ ലഘൂകരണ മന്ത്രാലയത്തിലെയും മുതിര്ന്ന ഉദ്യോഗസ്ഥര് എന്നിവരും യോഗത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: