കോട്ടയം: അന്തര് സര്വ്വകലാശാല പുരുഷ വോളിബോള് മത്സരങ്ങള് പാലായില് നാളെ ആരംഭിക്കും. പാലാ സെന്റ്തോമസ് കോളജില് രണ്ട് മുതല് ആറു വരെയും എട്ടു മുതല് 12 വരെയുമാണ് മത്സരങ്ങള്. ആദ്യം ദക്ഷിണമേഖലാ മത്സരങ്ങള്.
കേരളം, തമിഴ്നാട്, കര്ണാടകം, പോണ്ടിച്ചേരി തുടങ്ങി ദക്ഷിണേന്ത്യന് സംസ്ഥാനങ്ങളില് നിന്നുള്ള 82 സര്വ്വകലാശാല ടീമുകള് ദക്ഷിണ മേഖലാ പോരാട്ടങ്ങളില് പങ്കെടുക്കും. ദക്ഷിണ, ഉത്തര, പൂര്വ, പശ്ചിമ മേഖലകളില് നിന്ന് യോഗ്യത നേടുന്ന നാല് ടീമുകള് വീതം 16 ടീമുകളാണ് അഖിലേന്ത്യാ മത്സരങ്ങളില് പങ്കാളികളാവുക.
ദക്ഷിണ മേഖല മത്സരങ്ങള് പാലാ സെന്റ്തോമസ് കോളജ് ഗ്രൗണ്ടില് നാളെ വൈകിട്ട് 5.30ന് എംജി വൈസ് ചാന്സിലര് ഡോ. ബാബു സെബാസ്റ്റ്യന് ഉദ്ഘാടനം ചെയ്യും. സിന്ഡിക്കേറ്റ് അംഗം പി. കെ. ഹരികുമാര് അദ്ധ്യക്ഷത വഹിക്കും. നോക്കൗട്ട് കം ലീഗ് അടിസ്ഥാനത്തിലാണ് മത്സരങ്ങള്.
എട്ടിന് അഖിലേന്ത്യാ അന്തര്സര്വ്വകലാശാല മത്സരങ്ങള് ആരംഭിക്കും. മന്ത്രി പ്രൊഫ.സി. രവീന്ദ്രനാഥ് ഉദ്ഘാടനം നിര്വ്വഹിക്കും. കെ.എം. മാണി എംഎല്എ അദ്ധ്യക്ഷത വഹിക്കും. അഖിലേന്ത്യാ മത്സരങ്ങളില് വിജയിക്കുന്നവര്ക്ക് 12ന് മന്ത്രി മാത്യു ടി. തോമസ് ട്രോഫികള് സമ്മാനിക്കും. ജോസ് കെ. മാണി അദ്ധ്യക്ഷത വഹിക്കും.
പ്രതികരിക്കാൻ ഇവിടെ എഴുതുക: