എരുമേലി: സര്ക്കാര് ആശുപത്രിയിലേക്കുള്ള നടപ്പുവഴിയില് മതില് ഇടിഞ്ഞ് വീണു. എരുമേലി ദേവസ്വം ബോര്ഡ് വക വലിയ പാര്ക്കിംഗ് മൈതാനത്തോട് ചേര്ന്നുള്ള കമ്മ്യൂണിറ്റി ഹെല്ത്ത് സെന്ററിലെ നടപ്പു വഴിയിലാണ് സ്വകാര്യ വ്യക്തിയുടെ മതില് ഇടിഞ്ഞു വീണത്. ഇതോടെ ആശുപത്രിയിലേക്ക് പോകുന്ന നിരവധി യാത്രക്കാര് ദുരിതത്തിലായി. മതില് ഇടിഞ്ഞ് വീണ് ദിവസങ്ങള് കഴിഞ്ഞിട്ടും സിമന്റ് കട്ടകള് എടുത്തു മാറ്റാന് തയ്യാറാകാത്തതാണ് രോഗികളെ വലച്ചിരിക്കുന്നത്. ഇതു സംബന്ധിച്ച് ബന്ധപ്പെട്ടവര്ക്ക് പരാതി നല്കിയെങ്കിലും നടപടിയുണ്ടായിട്ടില്ലെന്നും നാട്ടുകാര് പറഞ്ഞു.
നൂറു കണക്കിന് വരുന്ന രോഗികളായ യാത്രക്കാര് സഞ്ചരിക്കുന്ന നടപ്പു വഴിയില് ഖരമാലിന്യങ്ങള് നിക്ഷേപിക്കുന്നതും പതിവായിരിക്കുകയാണ്. ആശുപത്രിയിലേക്കുള്ള നടപ്പുവഴി സഞ്ചാരയോഗ്യമാക്കണമെന്ന് നാട്ടുകാര് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: