പാനൂര്: പാലത്തായി അരയാല്തറയിലെ തുളസിതറ പൊളിച്ചു നീക്കാന് പോലീസ് നീക്കം.പ്രതിഷേധം വ്യാപകം.പതിറ്റാണ്ടുകളായി ഗണപതി സങ്കല്പവും,ആരാധനയും നടന്നു വരുന്ന തറ ഇന്നലെ നവീകരിക്കാന് ശ്രീനാരായണ മഠം ഭാരവാഹികള് തീരുമാനിക്കുകയും,പ്രവൃത്തി തുടങ്ങിയതുമായിരുന്നു.സമീപത്തെ യൂസഫ് എന്നയാളുടെ പരാതിയില് പാനൂര് പോലീസ് സ്ഥലത്തെത്തുകയും നിര്മ്മാണം നിറുത്തിവെപ്പിക്കുകയുമായിരുന്നു.ജോലിക്കാരെയും,നാട്ടുകാരെയും ഭീഷണിപ്പെടുത്തി.പരമ്പരാഗതമായ ആരാധന സമ്പ്രദായം തുടരുന്ന തറയാണ് സ്വകാര്യവ്യക്തിക്ക് റോഡുനിര്മ്മിക്കാനായി പൊളിച്ചു മാറ്റാന് നീക്കം നടത്തുന്നത്.ഇതിനെതിരെ ശക്തമായ പ്രതിഷേധമുയര്ന്നിട്ടുണ്ട്.
പുറത്തെരുവത്ത് മുച്ചിലോട്ട്
നാട്ടെഴുന്നള്ളത്ത് തുടങ്ങി
പിലാത്തറ: കുഞ്ഞിമംഗലം പുറത്തെരുവത്ത് ഭഗവതി ക്ഷേത്രത്തിലെ നാട്ടെഴുന്നള്ളത്ത് എട്ടുവരെ നടക്കും. ഇന്ന് മൂന്നുമണിക്ക് ശ്രീഭൂതനാഥ ക്ഷേത്രത്തില് നിന്ന് തുടങ്ങി പാറന്തട്ട് തറഴാട്, മുതുവടത്ത് കളരി, പാറന്തട്ട ഭാഗങ്ങളില് എഴുന്നള്ളിക്കും. നാളെ 3 മണിക്ക് മുള്ളിക്കോട്ട്, തലായ് ഭാഗം, അഞ്ചിന് രാവില 9 മണിക്ക് അറത്തില് ഭാഗം, ശ്രീഭദ്രപുരം ക്ഷേത്രം, ആറ് രാവിലെ 9 മണിക്ക് പുറച്ചേരി ഭാഗം, ബാലകോകര്ണ്ണം ക്ഷേത്രം, ഏഴിന് 4 മണിക്ക് കാരാട്ട്, കണ്ടംകുളങ്ങര, വണ്ണച്ചാല്, കുതിരുമ്മല് ഭാഗം, എട്ടിന് 4 മണിക്ക് തൃപ്പാണിക്കര മുച്ചിലോട്ട് ഭാഗം എന്നിവടങ്ങളില് എഴുന്നള്ളത്ത് നടക്കും.
പ്രതികരിക്കാൻ ഇവിടെ എഴുതുക: