കണ്ണൂര്: നൈമിശാരണ്യം രജതജൂബിലി ആഘോഷത്തിന്റെ ഭാഗമായി മഹാഭാരത് ഭാവ-രാഗ താള പരിപാടികള് നാളെ മുതല് മുതല് 15 വരെ കണ്ണൂര് ടൗണ് സ്ക്വയറില് നടക്കും.
ഭാവ-രാഗ-താളങ്ങളെ സമന്വയിപ്പിച്ചുകൊണ്ട് കലയും സാഹിത്യവും സംസ്കൃതിയും ഒരേ വേദിയില് അവതരിപ്പിക്കപ്പെടുന്നതാണ് പരിപാടി. നാളെ രാവിലെ പതാകയുയര്ത്തല്, വൈകുന്നേരം 6 മണിക്ക് മുന് ബദരീനാഥ് റാവല്ജി പി.ശ്രീധരന് നമ്പൂതിരിയുടെ അധ്യക്ഷതയില് നടക്കുന്ന ചടങ്ങില് മന്ത്രി കടന്നപ്പള്ളി രാമചന്ദ്രന്, കൂടിയാട്ട കേന്ദ്ര ഡയരക്ടര് കെ.കെ.ഗോപാലകൃഷ്ണന്, ജില്ലാ പഞ്ചായത്ത് പ്രസിഡണ്ട് കെ.വി.സുമേഷ്, കലക്ടര് മിര് മുഹമ്മദലി, എഡിഎം ഇ.മുഹമ്മദ് യൂസഫ്, തഹസില്ദാര് എ.സി.സജീവന്, ഇന്ഫര്മേഷന് ഓഫീസര് ഇ.കെ.പത്മനാഭന്, ഫോക് ലോര് സെക്രട്ടറി എ.കെ.നമ്പ്യാര്, ഡിടിപിസി മുന് സെക്രട്ടറി സജി വര്ഗ്ഗീസ്, സെക്രട്ടറി ഡി.ഗിരീഷ് കുമാര്, ചലച്ചിത്രസംവിധായകന് ഷെറി ഗോവിന്ദന്, പ്രമുഖ അധ്യാത്മിക പ്രഭാഷകന് അഡ്വ.എ.വി.കേശവന്, വെള്ളോറ രാജന് തുടങ്ങിയവര് പങ്കെടുക്കും. ചടങ്ങില് 25 സാമൂഹ്യപ്രവര്ത്തകരെ ആദരിക്കും. 6 മുതല് 15 വരെ രാവിലെ 10 മുതല് വൈകുന്നേരം 6 മണി വരെ സാമൂഹ്യപ്രതിബദ്ധതയുള്ള വിഷയങ്ങളില് സെമിനാറുകള് നടക്കും. മാധ്യമ, വിദ്യാഭ്യാസ സെമിനാര്, പൈതൃക സംരക്ഷണം, ജീവിതവീക്ഷണം മാറ്റേണ്ടതിന്റെ ആവശ്യകത, സ്പിരിച്വല് സിമ്പോസിയം. ഇലക്ട്രോണിക് മാധ്യമങ്ങള് ഉണ്ടാക്കുന്ന ദൂഷ്യങ്ങളും പരിഹാരവും, പാരമ്പര്യ വൈദ്യശാസ്ത്രം, എങ്ങനെ നല്ല രക്ഷിതാക്കളാകാം, റോഡിലെ സുരക്ഷിതത്വം, മാലിന്യ സംസ്കരണവും ശുചിത്വവും, ഭാവിഭാരതം നേരിടുന്ന വെല്ലുവിളികള്, യോഗയും മെഡിറ്റേഷനും ആധുനിക ജീവിതത്തില് എന്നിവയിലാണ് സെമിനാര്. ഇതുകൂടാതെ സംസ്കൃത സമ്മേളനം, മറത്തുകളി, കളരിപ്പയറ്റ് എന്നിവയെക്കുറിച്ചും സെമിനാര് നടത്തും. എല്ലാ ദിവസവും വൈകുന്നേരം 6.30 ന് ഭാരതീയ കലകളുടെ പ്രദര്ശനവും ഉണ്ടായിരിക്കും. ഇതുകൂടാതെ ആറിന് ശ്രീവിദ്യയുടെ മോഹിനിയാട്ടം, ചെറുതാഴം ചന്ദ്രന്റെ തായമ്പക, 7 ന് ഹരി അഗ്നിശര്മ്മന്റെ സംഗീതക്കച്ചേരി, 8 ന് സൗമിത റായിയുടെ ഭരതനാട്യം, 9 ന് ബാവുള് സംഗീതം, 10 ന് ഗവ്വാലി സൂഫി സംഗീതം, 11 ന് ഹിന്ദുസ്ഥാനി ഭജന്സ് ആന്റ് ഗസല്സ്, 12 ന് കഥക് ഡാന്സ്, 13 ന് സംഗീതക്കച്ചേരി, 14 ന് കഥകളി, 15 ന് ഭരതനാട്യം, ഒഡീസ്സി എന്നിവയുണ്ടായിരിക്കും.
പ്രതികരിക്കാൻ ഇവിടെ എഴുതുക: