ആലപ്പുഴ: പണ്ഡിറ്റ് ദീനദയാല് ഉപാദ്ധ്യായ ഹെല്പ് ഡിസ്കിന്റെ ഡോ. എപിജെ അബ്ദുല്കലാം സെന്റര് ഫോര് ബാങ്കിങ് ലിറ്ററസി മിഷന്റെ നേതൃത്വത്തില് ‘ഡിജിറ്റല് ബാങ്കിങ്, കറന്സിരഹിത ഇടപാടുകള്’ സംബന്ധിച്ച ക്ലാസ് നടത്തി.
ജില്ലയിലെ ഒന്പത് നിയോജക മണ്ഡലങ്ങളില് നിന്ന് തിരഞ്ഞെടുക്കപ്പെട്ട പ്രവര്ത്തകര്ക്ക് എസ്ബിഐ ആലപ്പുഴ റീജിയണല് ബാങ്ക് ഓഫീസര് രാജേഷ് കുറുപ്പ്, അസിസ്റ്റന്റ് മാനേജര് എന്.പി. അനീഷ്, അസ്സോസിയേറ്റ് എസ്. ശ്രീജിത്ത് എന്നിവര് വിവിധ ബാങ്കിങ് വിഷയങ്ങളില് പരിശീലനം നല്കി. എല്ലാ നിയോജക മണ്ഡലകേന്ദ്രങ്ങളിലും ഡിജിറ്റല് ബാങ്കിങ്, കറന്സിരഹിത ഇടപാടുകളെ സംബന്ധിച്ചും ഈ സംരംഭത്തില് ജനങ്ങള്ക്ക് അവബോധം നല്കും.
നാളെ രാവിലെ 11ന് ജില്ലാ തല ഉദ്ഘാടനം സംസ്ഥാന ജനറല് സെക്രട്ടറി എ.എന്. രാധാകൃഷ്ണന് നിര്വഹിക്കും. എല്ലാ നിയോജക മണ്ഡലത്തിലും അതേസമയം ഉദ്ഘാടനം നടക്കും. ഇത് സംബന്ധിച്ച യോഗം ആലപ്പുഴയില് ബിജെപി ജില്ലാ പ്രസിഡന്റ് കെ. സോമന് ഉദ്ഘാടനം ചെയ്തു.
ബിജെപി ജില്ലാ സെക്രട്ടറിയും ഹെല്പ് ഡെസ്ക് കണ്വീനര് ആയ എം.വി. ഗോപകുമാര് അദ്ധ്യക്ഷത വഹിച്ചു.
ജില്ലാ ജനറല് സെക്രട്ടറി കെ. ജയകുമാര്, ജില്ലാ സെക്രട്ടറി എല്.പി. ജയചന്ദ്രന്, ഐടി സെല് കണ്വീനര് വിനോദ്, യുവമോര്ച്ച ജില്ലാ സെക്രട്ടറി പ്രമോദ് കാരക്കാട്, വിനോദ് ആലപ്പുഴ, വി. ശ്രീജിത്ത് അമ്പലപ്പുഴ, സജു ഇടകല്ലില് ചെങ്ങന്നൂര് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: