ആലപ്പുഴ: ബിജെപി പട്ടികജാതി മോര്ച്ച ആലപ്പുഴ ജില്ലാ കമ്മറ്റിയുടെ നേതൃത്വത്തില് ഡോ. ബി.ആര്. അംബേദ്കര് അനുസ്മരണ സമ്മേളനവും പുഷ്പാര്ച്ചനയും നടത്തി. പട്ടികജാതി മോര്ച്ച സംസ്ഥാന അദ്ധ്യക്ഷന് അഡ്വ. സുധീര് ഉദ്ഘാടനം ചെയ്തു.
കേരളത്തിലെ ഇടതുസര്ക്കാര് പട്ടികജാതി വിഭാഗങ്ങളുടെ ഭരണഘടനാ പരമായ അവകാശങ്ങള് അട്ടിമറിച്ചതായി അദ്ദേഹം ആരോപിച്ചു. മൂന്നരലക്ഷം പട്ടികജാതി വിഭാഗത്തില്പ്പെട്ടവര് ഇന്നും താമസസൗകര്യമില്ലാത്തവരായി മാറി. കേന്ദ്ര സര്ക്കാര് അനുവദിച്ചിട്ടുള്ള ആനുകൂല്യം പട്ടികജാതി വിഭാഗത്തിന് കിട്ടാത്ത അവസ്ഥയുള്ള ഒരു സംസ്ഥാനം കേരളമാണ്.
ഇടതു സര്ക്കാര് വന്നശേഷം പട്ടികജാതി വര്ഗ്ഗ വകുപ്പ് മന്ത്രി നിയമസഭയില് അവതരിപ്പിച്ചത് മൂന്നു മാസങ്ങള്ക്കകം മുന്നൂറില്പ്പരം പട്ടികജാതി പീഡനങ്ങള് നടന്നുവെന്നാണ് ഇടതു സര്ക്കാരിന്റെ ഭരണത്തിന്കീഴില് പട്ടികജാതി ജനതയ്ക്ക് ജീവിക്കാന് പറ്റാത്ത അവസ്ഥ നിലനില്ക്കുന്നുവെന്ന് അദ്ദേഹം കൂട്ടിച്ചേര്ത്തു. ബിജെപി പട്ടികജാതി മോര്ച്ച ജില്ലാ പ്രസിഡന്റ് കെ.ബി. ഷാജി അദ്ധ്യക്ഷത വഹിച്ചു.
ബിജെപി ജില്ലാ പ്രസിഡന്റ് കെ. സോമന് മുഖ്യപ്രഭാഷണം നടത്തി. ബിജെപി ജില്ലാഉപാദ്ധ്യക്ഷന് കൊട്ടാരം ഉണ്ണികൃഷ്ണന്, പട്ടികജാതി മോര്ച്ച ജില്ലാ നേതാക്കളായ രമേശ് കൊച്ചുമുറി, രാജിക്കുട്ടി, സുഗന്ധിരാജ്, മഹേന്ദ്രന്, എന്.കെ. വിജയന്, രാജേഷ്, എസ്. ബിജി തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: