തൃശൂര്: നഗരത്തിലെ കോര്പ്പറേഷന് ജനറല് ആശുപത്രിയിലേക്ക് സേവാഭാരതി ജനറേറ്റര് നല്കി. ആശുപത്രി ഡയാലിസിസ് വിഭാഗത്തിനും തീവ്രപരിചരണവിഭാഗത്തിനും ഗുണം ലഭിക്കുന്ന തരത്തില് 75 കെ.വി.യുടെ ജനറേറ്റര് സേവാഭാരതി ജില്ലാസമിതിയുടെ നേതൃത്വത്തില് സ്റ്റേറ്റ് ബാങ്ക് ഓഫ് ഇന്ത്യയുടെ സഹകരണത്തോടുകൂടിയാണ് സമര്പ്പിച്ചത്.
സ്ഥിരമായി വൈദ്യുതി മുടങ്ങുകവഴി രോഗികള്ക്ക് നല്കുന്ന ഡയാലിസിസിന് വളരെയധികം തടസ്സം നേരിട്ടിരുന്നു. ഡയാലിസിസ് യൂണിറ്റിന് വേണ്ടിമാത്രമാണ് ജനറേറ്റര് നല്കിയെങ്കിലും ഐസിയുവിനെക്കൂടി യോജിപ്പിക്കുകവഴി ആയിരക്കണക്കിന് രോഗികള്ക്ക് ആശ്വാസമായിരിക്കുകയാണ്.
ജനറേറ്റര് കൈമാറല് ചടങ്ങിന്റെ ഉദ്ഘാടനം സ്റ്റേറ്റ് ബാങ്ക് ഇന്ത്യയുടെ ജനറല് മാനേജര് വി.ആര്.ഷെറിം നിര്വഹിച്ചു. റിട്ട. ജില്ലാ ജഡ്ജി കെ.കെ.ചന്ദ്രദാസ് അധ്യക്ഷത വഹിച്ചു. സേവാഭാരതി സംസ്ഥാന സെക്രട്ടറി വി.എം.ഹരിദാസ് മുഖ്യപ്രഭാഷണം നടത്തി. ആര്എസ്എസ് മഹാനഗര് സംഘചാലക് വി.ശ്രീനിവാസന്, കെ.സുരേഷ്കുമാര്, പി.എസ്.രഘുനാഥ്, കോര്പ്പറേഷന് കൗണ്സിലര്മാരായ വി.രാവുണ്ണി, ഐ.ലളിതാംബിക, വിന്ഷി അരുണ്കുമാര്, പൂര്ണിമ സുരേഷ്, ആശുപത്രി ആര്എംഒ ഡോ. മോന്സിമോള്, ഡയാലിസിസ് വിഭാഗത്തിലെ ഡോ.പ്രശാന്ത്, എ.നാഗേഷ്, എ.സി.കൃഷ്ണന്, ഡോ.ബാലചന്ദ്രന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: