തൃശൂര്: ജീവിതം സാമൂഹിക പരിഷ്കരണത്തിന് സമര്പ്പിച്ച മഹാത്മാവാണ് ഡോ. ബി.ആര്.അംബേദ്കറെന്ന് പട്ടികമോര്ച്ച സംസ്ഥാന വൈസ് പ്രസിഡണ്ട് ബി.കെ.പ്രേമന്. അംബേദ്കറുടെ അറുപതാം ചരമവാര്ഷികദിനാചരണത്തിന്റെ ഭാഗമായി എസ്.സി.മോര്ച്ച തൃശൂര് ജില്ലാകമ്മിറ്റി സംഘടിപ്പിച്ച സ്മൃതിദിനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എസ്.സി.മോര്ച്ച ജില്ലാപ്രസിഡണ്ട് പി.കെ.ബാബു അദ്ധ്യക്ഷത വഹിച്ച യോഗത്തില് ബിജെപി ജില്ലാപ്രസിഡണ്ട് എ.നാഗേഷ്, സംസ്ഥാനസമിതിയംഗം ഷാജുമോന് വട്ടേക്കാട്, എസ്സി മോര്ച്ച ജില്ലാ ജനറല് സെക്രട്ടറിമാരായ സജീവ് പള്ളത്ത്, ശശിമരതയൂര്, സംസ്ഥാനസമിതിയംഗം ആര്ട്ടിസ്റ്റ് ഗോപാല്ജി തുടങ്ങിയവര് അനുസ്മരണ പ്രഭാഷണം നടത്തി.
മാള: കോണ്ഗ്രസ് അവഗണിച്ച അംബേദ്കര്ക്ക് അര്ഹമായ ആദരവ് നല്കിയത് ബിജെപിയും മോദി സര്ക്കാരുമാണെന്ന് ബിജെപി സംസ്ഥാനസമിതി അംഗം ഷാജുമോന് വട്ടേക്കാട് പറഞ്ഞു. അംബേദ്കര്ദിനാചരണത്തിന്റെ ഭാഗമായി ബിജെപി കൊടുങ്ങല്ലൂര് നിയോജകമണ്ഡലം കമ്മിറ്റി മാളയില് സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാവിലെ 10 മണിക്ക് മാള ജംഗ്ഷനില് നടന്ന ചടങ്ങില് ബിജെപി മണ്ഡലം പ്രസിഡണ്ട് എം.ജി.പ്രശാന്ത് അദ്ധ്യക്ഷത വഹിച്ചു. അമ്പാടി പടിഞ്ചേരി, എല്.കെ.മനോജ്, കെ.എസ്.അനൂപ്, സദാശിവന്, ശിവറാം എന്നിവര് പങ്കെടുത്തു.
തൃശൂര്: കെപിഎംഎസ് തൃശൂര് ജില്ലാകമ്മിറ്റിയുടെ നേതൃത്വത്തില് അംബേദ്കര് ചരമദിനം രാവിലെ 9മണിക്ക് ജില്ലയിലെ 150ശാഖാകേന്ദ്രങ്ങളില് പുഷ്പാര്ച്ചന നടത്തി ആചരിച്ചു. പെരുമ്പിള്ളിശ്ശേരിയില് പുഷ്പാര്ച്ചനയും തുടര്ന്ന് നടന്ന അനുസ്മരണസമ്മേളനം കെപിഎംഎസ് സംസ്ഥാന ഉപദേശകസമിതി ചെയര്മാന് ടി.വി.ബാബു ഉദ്ഘാടനം ചെയ്തു. കഴിഞ്ഞ ആറു പതിറ്റാണ്ടായി ഭാരതം സമത്വത്തിനു വേണ്ടിയുള്ള യാത്രയില് സാമൂഹ്യ നീതി നിഷേധിക്കപ്പെട്ട പശ്ചാത്തലത്തില് അംബേദ്കര് മുന്നോട്ടുവെച്ച ആശയങ്ങള്ക്ക് പ്രസക്തിവര്ദ്ധിച്ചിരിക്കുകയാണെന്ന് ടി.വി.ബാബു പറഞ്ഞു. ജില്ലാസെക്രട്ടറി സി.എ.ശിവന് അദ്ധ്യക്ഷത വഹിച്ചു. സംസ്ഥാന കമ്മിറ്റി അംഗം പി.പി.മുരളി, മഹിളാഫെഡറേഷന് സംസ്ഥാന ട്രഷറര് വത്സല നന്ദനന് തുടങ്ങിയവര് അനുസ്മരണ പ്രഭാഷണം നടത്തി. തൃശൂര് യൂണിയന് സെക്രട്ടറി എം.എന്.പ്രകാശന് സ്വാഗതവും അജിത കൃഷ്ണന് നന്ദിയും പറഞ്ഞു.
അന്തിക്കാട്: അന്തിക്കാട് മേഖലാകമ്മിറ്റി സംഘടിപ്പിച്ച അംബേദ്കര് ദിനാചരണം ദിശ സംസ്ഥാന ജന.സെക്രട്ടറി എസ്.കുമാര് അന്തിക്കാട് ഉദ്ഘാടനം ചെയ്തു. മേഖല പ്രസിഡണ്ട് നിധീഷ് കണ്പുറത്ത് അദ്ധ്യക്ഷത വഹിച്ചു. ശിവദാസ് താണിയത്ത്, സനോജ് കണക്കന്ത്ര, ബൈജു കോറോട്ട്, മണികണ്ഠന് കാഞ്ഞാണി, മഹേഷ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: