മലപ്പുറം: മൂന്ന് വിദ്യാര്ത്ഥികള്ക്ക് തെരുവ് നായയുടെ കടിയേറ്റു. മലപ്പുറം എംഎസ്പി സ്കൂളിലെ പ്ലസ് ടു വിദ്യാര്ത്ഥിനികളായ ഫര്സാന, ഉസ്ന, ആകാശി എന്നിവര്ക്കാണ് ഇന്ന് രാവിലെ നായയുടെ കടിയേറ്റത്. പരിക്ക് സാരമുള്ളതല്ല.
മലപ്പുറം താലൂക്ക് ആശുപത്രിയിലെ പ്രാഥമിക ചികിത്സയ്ക്ക് ശേഷം മൂന്ന് പേരെയും മഞ്ചേരി മെഡിക്കല് കോളേജിലെത്തിച്ച് കുത്തിവയ്പ് നല്കി. എംഎസ്പി സ്കൂളിന് സമീപം വച്ചാണ് കടിയേറ്റത്. സ്കൂളിന് സമീപത്തെ തെരുവ് നായ ശല്യത്തെക്കുറിച്ച് നേരത്തെ കുട്ടികളും രക്ഷിതാക്കളും സ്കൂള് അധികൃതര്ക്ക് പരാതി നല്കിയിരുന്നു.
പ്രതികരിക്കാൻ ഇവിടെ എഴുതുക: