പട്ടണക്കാട്: പത്ത് വയസുകാരിയെ കാറിലെത്തിയ സംഘം തട്ടികൊണ്ടുപോകാന് ശ്രമിച്ചതായി പരാതി. വെട്ടയ്ക്കല് സ്വദേശിനിയായ അഞ്ചാം ക്ലാസ് വിദ്യാര്ഥിനിയെ വീടിനു സമീപം സ്കൂള് ബസ് കാത്തു നില്ക്കുന്നതിനിടെയാണ് തട്ടിക്കൊണ്ടുപോകാന് ശ്രമിച്ചത്. വാഹനത്തില് കയറാന് ആവശ്യപ്പെട്ടിട്ടും കുട്ടി കയറിയില്ല. തുടര്ന്ന് രണ്ട് പേര് കുട്ടിയുടെ അടുത്തേക്ക് ചെല്ലുകയായിരുന്നു. സമീപവാസിയായ സ്ത്രീ കണ്ടതോടെ ഇവര് കാറില് കയറി രക്ഷപെപ്പട്ടു. കുട്ടിയുടെ മാതാപിതാക്കള് സ്കൂളില് വിവരമറിയിച്ചതിനെ തുടര്ന്ന് അധികൃതര് പോലീസില് വിവരമറിയിക്കുകയും രക്ഷിതാക്കള്ക്ക് ജാഗ്രതാ നിര്ദ്ദേശം നല്കുകയും ചെയ്തു. യുവമോര്ച്ചാ മണ്ഡലം പ്രസിഡന്റ് അരുണ്കുമാര്, ബിജെപി കടക്കരപ്പള്ളി പഞ്ചായത്ത് പ്രസിഡന്റ് അഭിലാഷ് മാപ്പറമ്പില്, ട്രഷറര് എ.ആര്. ബൈജു എന്നിവര് സ്കൂളിലെത്തി അധികൃതരുമായി കൂടിക്കാഴ്ച നടത്തി.
പ്രതികരിക്കാൻ ഇവിടെ എഴുതുക: