ആലപ്പുഴ: ജില്ലയിലും ഹരിതകേരളം പദ്ധതിക്കു തുടക്കമായി. മന്ത്രി ജി. സുധാകരന് ഉദ്ഘാടനം ചെയ്തു. ഹരിതകേരളത്തിന്റെ ആവേശവും വികാരവും പകര്ത്തി ആലപ്പുഴ സിവില് സ്റ്റേഷനുമുന്നില് പ്രത്യേകം തയ്യാറാക്കിയ നീളന് കാന്വാസില് കൗമാരത്തിന്റെ നിറപ്പകര്ച്ച. ‘വരപ്പച്ച’ എന്ന പേരിലാണ് ജില്ലാ നവകേരള മിഷന്റെ ആഭിമുഖ്യത്തില് തുറന്ന കാന്വാസില് ചിത്രരചനയ്ക്കുള്ള അവസരം വിദ്യാര്ഥികള്ക്കായി ഒരുക്കിയത്. കൃഷിറവന്യൂ വകുപ്പുകളുടെ ആഭിമുഖ്യത്തില് സിവില്സ്റ്റേഷന് അങ്കണത്തിലും കൃഷി ആരംഭിച്ചു. മന്ത്രി ജി. സുധാകരന് സിവില്സ്റ്റേഷന് അങ്കണത്തില് പച്ചക്കറിത്തൈകള് നട്ടുകൊണ്ട് ഉദ്ഘാടനം നിര്വഹിച്ചു. നൂതന കണിക ജലസേചന രീതി അവലംബിച്ചുള്ള കൃഷിയാണ് ഇവിടെ ആരംഭിച്ചത്.
ഹരിതകേരളം മിഷന്റെ ഭാഗമായി ജില്ലയിലെ വിദ്യാലയങ്ങളില് തദ്ദേശസ്വയംഭരണസ്ഥാപനങ്ങളുടെയും പൊതുജനങ്ങളുടെയും രക്ഷാകര്തൃസമിതിയുടെയും പങ്കാല്ത്തോടെ നടപ്പാക്കുന്ന ഹരിതവിദ്യാലയം പദ്ധതിക്ക് തുടക്കമായി. മിഷന്റെ ഭാഗമായി ജില്ലാ പഞ്ചായത്താണ് സ്കൂളുകള്ക്ക് സൗജന്യമായി ലക്ഷം പച്ചക്കറി തൈകള് നല്കിയത്. പാവല്, പടവലം, പയര്, വെണ്ട, മുളക് തുടങ്ങിയ പച്ചക്കറി തൈകളാണ് നല്കിയത്.
ഹരിത കേരള ദൗത്യത്തില് ഫിഷറീസ് വകുപ്പിന്റെ അടുക്കള കുളം പദ്ധതിയും. ജില്ലയിലാകെ 225 അടുക്കള കുളം നിര്മിക്കാനാണ് പദ്ധതി. ഓരോ കുളത്തിലും 100 വീതം കരിമീന് കുഞ്ഞുങ്ങളെയാണ് വകുപ്പ് നല്കുക.
ഹരിതകേരളം പദ്ധതിയുടെ ഭാഗമായി ജില്ലയില് ആരോഗ്യ വകുപ്പിന്റെ നേതൃത്വത്തില് ശുചീകരണ പ്രവര്ത്തനങ്ങള് നടത്തി. എല്ലാ സര്ക്കാര് ആശുപത്രികളിലും ശുചീകരിച്ചു. രാവിലെ ജില്ലാ മെഡിക്കല് ഓഫീസില് ഡി.എം.ഒ. ഡോ. ഡി. വസന്തദാസ് ശുചീകരണത്തിന് നേതൃത്വം നല്കി. പച്ചക്കറികൃഷി പ്രോത്സാഹിപ്പിക്കുന്നതിന്റെ ഭാഗമായി ഗ്രോ ബാഗില് തൈകള് നട്ടു. ആടുക്കളത്തോട്ടം പ്രോത്സാഹിപ്പിക്കുന്നതിനും അവയുടെ ആവശ്യകതയെക്കുറിച്ചും ആരോഗ്യവകുപ്പിലെ ഉദ്യോഗസ്ഥനായ ജൂനിയര് ഇന്സ്പെക്ടര് ബിജോയ് ക്ലാസ് എടുത്തു.
എടത്വ: തലവടി വൊക്കേഷണല് ഹയര് സെക്കന്ഡറി സ്കൂളില് ഹരിത കേരളം പദ്ധതിക്ക് തുടക്കമായി. പദ്ധതിയുടെ ഉദ്ഘാടനം പഞ്ചായത്തംഗം അജിത്ത് പിഷാരത്ത് നിര്വഹിച്ചു.വേണുഗോപാല് അദ്ധ്യക്ഷത വഹിച്ചു. ഹയര് സെക്കന്ഡറി പ്രിന്സിപ്പല് ഉഷാകുമാരി,വൊക്കേഷണല് ഹയര് സെക്കന്ഡറി പ്രിന്സിപ്പല് സുജാ എന്നിവര് പ്രസംഗിച്ചു. തുടര്ന്ന് കുട്ടികളുടെ നേത്രത്വത്തില് സ്കൂളും പരിസരവും ശുചിയാക്കി
പ്രതികരിക്കാൻ ഇവിടെ എഴുതുക: