കോട്ടയം: സികെ ജീവന് ട്രസ്റ്റിന്റെ ആഭിമുഖ്യത്തില് കോട്ടയത്ത് നടക്കുന്ന രാകേന്ദു സംഗീതോത്സവത്തോടനുബന്ധിച്ച് ജില്ലയിലെ കോളജ്-സ്കൂള് വിദ്യാര്ത്ഥികള്ക്ക് ചലച്ചിത്രഗാന ആലാപനമത്സരം നടത്തുന്നു. ഹൈസ്കൂള്, ഹയര് സെക്കണ്ടറി വിദ്യാര്ത്ഥികള്ക്കുള്ള ഒഎന്വി ചലച്ചിത്രഗാന ആലാപനമത്സരം ജനുവരി 4 ന് എം ടി സെമിനാരി ഹയര് സെക്കണ്ടറി സ്കൂളിലും കോളജ് വിദ്യാര്ത്ഥികള്ക്ക് ചലച്ചിത്രങ്ങളിലെ പ്രണയഗാനങ്ങളുടെ ആലാപനമത്സരം ജനുവരി 7ന് ബസേലിയസ് കോളജിലും നടക്കും. ഒരു കോളേജില്നിന്ന് രണ്ടു വീതം ആണ്കുട്ടികള്ക്കും പെണ്കുട്ടികള്ക്കും ഒരു സ്കൂളില്നിന്ന് ഹയര് സെക്കണ്ടറിയില്നിന്നും ഹൈസ്കൂള്നിന്നും ഓരോ ആണ്കുട്ടിയും പെണ്കുട്ടിയും അടക്കം നാല് കുട്ടികള്ക്കും പങ്കെടുക്കാം. വിജയികള്ക്ക് ക്യാഷ് അവാര്ഡും സര്ട്ടിഫിക്കറ്റും പുസ്തകങ്ങളും ജനുവരി 14 നു നടക്കുന്ന രാകേന്ദു പുരസ്ക്കാര വിതരണ ചടങ്ങില് സമ്മാനിക്കും. തെരഞ്ഞെടുത്ത 24 കുട്ടികള്ക്ക് 14 നു നടക്കുന്ന രാകേന്ദു സംഗീതമത്സര പരിശീലന കളരിയില് പങ്കെടുക്കാം. മത്സരാര്ത്ഥികള് പ്രിന്സിപ്പലിന്റെ, ഹെഡ് മാസ്റ്ററുടെ സാക്ഷിപത്രവും പാടുന്ന പാട്ടിന്റെ വിവരങ്ങളും (രചന, സംഗീതം, ആലാപനം, സിനിമ) സഹിതം ഡിസംബര് 22 നു മുമ്പ് രജിസ്റ്റര് ചെയ്യുക. കോളജ് വിഭാഗം : ഡോ സെല്വി സേവ്യര്, ബസേലിയോസ് കോളജ് (ഫോണ് 9495319425), സ്കൂള് വിഭാഗം : സജി ജേക്കബ്, എം ടി സെമിനാരി സ്കൂള് (ഫോണ് 9495381770)
പ്രതികരിക്കാൻ ഇവിടെ എഴുതുക: