നീലേശ്വരം: അപകട കെണിയൊരുക്കി നില്ക്കുന്ന മയ്യിച്ച വളവിനെതിരെ നാട്ടുകാര് സമര മുഖത്തേക്ക്. വാഹന അപകടങ്ങള് തുടര്ക്കഥയായപ്പോള് നാട്ടുകാര് റോഡ് ഉപരോധമടക്കമുള്ള സമര മാര്ഗ്ഗത്തിലെത്തിയിരുന്നു. കഴിഞ്ഞ വര്ഷം ഉപരോധിച്ച സമരക്കാരോട് ജില്ലാ കലക്ടര് ഫോണില് റോഡ് വികസനം യുദ്ധകാലാടിസ്ഥാനത്തില് നടത്തുമെന്ന് വാക്കു നല്കിയാണ് സമരം അവസാനിപ്പിച്ചത്. അടുത്ത ദിവസങ്ങളില് റോഡുവക്കില് മണ്കൂനകള് പ്രത്യക്ഷപ്പെട്ടതോടെ റോഡ് നന്നാവുമെന്ന് ജനം ആശ്വസിച്ചു. ഇറക്കിയ മണ്കൂനകളില് തട്ടി വീണ ഇരുചക്ര വാഹനയാത്രക്കാരി ഭാഗ്യം കൊണ്ടാണ് രണ്ടു ദിവസം മുമ്പ് രക്ഷപ്പെട്ടത്. റോഡ് വികസനം വാഗ്ദാനത്തിലൊതുങ്ങിയപ്പോള് ഇനിയൊരപകടം വന്നാല് മാത്രമേ അധികൃതര് അല്പ നാളെത്തേക്കെങ്കിലും കണ്ണു തുറക്കൂവെന്ന് നാട്ടുകാര് പറയുന്നു.
പ്രതികരിക്കാൻ ഇവിടെ എഴുതുക: