കോട്ടയം: ബിജെപി തിരുവഞ്ചൂര് മേഖലയുടെ ആഭിമുഖ്യത്തില് പാഞ്ചജന്യം 2016 സംഘടിപ്പിച്ചു. ബിജെപി സംസ്ഥാന പ്രസിഡന്റ് കുമ്മനം രാജശേഖരന് പരിപാടി ഉദ്ഘാടനം ചെയ്തു. സാമ്പത്തിക പ്രതിസന്ധിയെക്കുറിച്ച് വിവാദങ്ങളുണ്ടാക്കുന്ന സംസ്ഥാന ധനമന്ത്രി തോമസ് ഐസക്ക് കെഎസ്ആര്ടിസി ജീവനക്കാരുടെ ശമ്പളം വൈകിപ്പിച്ചതിന് മറുപടി പറയണമെന്ന് ബിജെപി സംസ്ഥാന പ്രസിഡന്റ് ആവശ്യപ്പെട്ടു. പാവപ്പെട്ടവരുടെ റേഷന് സംവിധാനം പോലും കാര്യക്ഷമമായി നടപ്പിലാക്കാന് കഴിയാത്ത സംസ്ഥാന സര്ക്കാരാണ് കേന്ദ്രസര്ക്കാരിനെതിരെ പ്രശ്നങ്ങള് സൃഷ്ടിക്കുന്നതെന്നും അദ്ദേഹം പറഞ്ഞു.
25വര്ഷം മുന്പ് കെ.ജി.മാരാര് ഉദ്ഘാടനം ചെയ്ത ബസ് കാത്തിരിപ്പ് കേന്ദ്രത്തിന്റെ രജതജൂബിലി ആഘോഷം ഗ്രാമപഞ്ചായത്തംഗത്തിന്റെ കാര്യാലയ ഉദ്ഘാടനം, ബാബുരാജിന്റെ കുടുംബസഹായനിധി കൈമാറ്റം എന്നിവയാണ് പാഞ്ചജന്യം 2016.
തിരുവഞ്ചൂര് കിഴക്കേനടയില് നടന്ന ഉദ്ഘാടന ചടങ്ങില് ഗ്രാമപഞ്ചായത്തംഗവും പാഞ്ചജന്യം ചെയര്മാനുമായ എന്.എസ്.പ്രകാശ് അദ്ധ്യക്ഷത വഹിച്ചു. ബിജെപി സംസ്ഥാന വക്താവ് എസ്.ജയസൂര്യന്, സംസ്ഥാന സമിതിയംഗം ഏറ്റുമാനൂര് രാധാകൃഷ്ണന്, കര്ഷകമോര്ച്ച സംസ്ഥാന പ്രസിഡന്റ് പി.ആര്.മുരളീധരന്, മഹിളാ മോര്ച്ച സംസ്ഥാന സെക്രട്ടറി മിനി നന്ദകുമാര്, ബിജെപി ജില്ലാ പ്രസിഡന്റ് എന്.ഹരി, ജില്ലാ ജന.സെക്രട്ടറി ലിജിന്ലാല്, സെക്രട്ടറി കെ.പി.ഭുവനേശ്, വൈസ് പ്രസിഡന്റ് ടി.കെ.കൃഷ്ണകുമാര്, ന്യൂനപക്ഷ മോര്ച്ച ജില്ലാ പ്രസിഡന്റ് തോമസ് കിഴക്കേടം, മണ്ഡലം വൈസ് പ്രസിഡന്റ് സുനില്കുമാര് കീരനാട്ട്, അയര്ക്കുന്നം പഞ്ചായത്ത് പ്രസിഡന്റ് ആനന്ദ്.ആര്.നായര്, വൈസ് പ്രസി. ബനു പാറയില് മണര്കാട് പഞ്ചായത്ത് പ്രസിഡന്റ് കെ.സി.ശശാങ്കന്, വൈസ് പ്രസിഡന്റ് എം.കെ.സുകുമാരന്, ഗ്രാമപഞ്ചായത്തംഗം സിന്ധു അനില്കുമാര്, എസ്.ശിവദാസ്, എം.എസ്.മോഹനന്, തിരുവഞ്ചൂര് വിപിന ചന്ദ്രന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: