കോഴിക്കോട്: ചെറുകിട കരിങ്കല് ക്വാറികള് അടച്ചുപൂട്ടി വന്കിട ക്വാറി മാഫിയകള്ക്ക് അടിയറവെക്കാനുള്ള നീക്കത്തിനെതിരെയും ചെറുകിട കരിങ്കല് ക്വാറി മേഖല സംരക്ഷിക്കാന് നിയമനിര്മ്മാണം നടത്തണമെന്ന് ആവശ്യപ്പെട്ടും ചെറുകിട കരിങ്കല് ക്വാറി അസോസിയേഷന് ജില്ലാ കമ്മിറ്റിയുടെ നേതൃത്വത്തില് മൈനിംഗ് ആന്റ് ജിയോളജി ഓഫിസിലേക്ക് പ്രതിഷേധ മാര്ച്ചും ധര്ണയും സംഘടിപ്പിച്ചു. സിഐടിയു ജില്ലാ സെക്രട്ടറി പി.പി. സുലൈമാന് ധര്ണ ഉദ്ഘാടനം ചെയ്തു.
ബിജെപി ജില്ലാ സെക്രട്ടറി സി.പി. സതീഷ്, കെപിസി സി നിര്വാഹക സമിതി അംഗം കെ വി സുബ്രഹ്മണ്യന്, ചെറുകിട കരിങ്കല് ക്വാറി അസോസിയേഷന് സംസ്ഥാന ജനറല് സെക്രട്ടറി എം.കെ. ബാബു, വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി കെ. സേതുമാധവന്, ടിപ്പര് ലോറി ഓണേര്സ് സംസ്ഥാന സെക്രട്ടറി ടി.കെ. അബ്ദുള് ലത്തീഫ്ഹാജി, ക്രഷര് ഓണേര്സ് അസോസിയേഷന് സംസ്ഥാന വൈസ് പ്രസിഡന്റ് വി.പി. വിജേഷ് സംസാരിച്ചു. ജില്ലാ സെക്രട്ടറി കെ.സി. കൃഷ്ണന് നന്ദിയും പറഞ്ഞു.
മാര്ച്ചിന് ഹരിദാസന്, പ്രബിത്ത്, ഹരിദാസന്, കെ.സി. ദിനേശ്കുമാര് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: