വടകര: കടമേരിയില് സിപിഎം കലാപത്തിന് ശ്രമിക്കുകയാണെന്ന് യുവമോര്ച്ച സംസ്ഥാന ജനറല് സെക്രട്ടറി പ്രഫുല് കൃഷ്ണന് അഭിപ്രായപ്പെട്ടു. ശാഖയ്ക്ക് നേരെ ബോംബ് എറിയുകയും പിടിക്കപ്പെട്ടപ്പോള് ജാള്യത മറക്കാന് വീടുകള്ക്ക് നേരെയും ബിജെപി പ്രകടനത്തിന് നേരെയും അക്രമം അഴിച്ചുവിട്ട സിപിഎം ബോധപൂര്വം സംഘര്ഷം ഉണ്ടാക്കുകയാണ്
സമാധാനയോഗത്തിന് ശേഷവും സിപിഎം പ്രകോപനങ്ങള് തുടരുകയാണ്. ബിജെപി പ്രവര്ത്തകരെ പ്രതികളാക്കാന് സിപിഎം നേതാവിന്റെ വീടിന് നേരെ ബോംബ് എറിഞ്ഞ് സി പി എം നടത്തുന്ന നാടകം അപഹാസ്യമാണ്. ബിജെപിക്ക് പ്രകടനം നടത്താനുള്ള അനുമതി നിഷേധിക്കുകയും സി പി എം പ്രകടനത്തിന് പൂര്ണ സംരക്ഷണവും നല്കുന്ന പോലീസ് നടപടി പ്രതിഷേധാര്ഹമാണ്.
ഭരണപരാജയം മറച്ച് വെക്കാനും ബിജെപിയിലേക്കുള്ള അണികളുടെ ഒഴുക്ക് തടയാനും അക്രമത്തിന്റെ മാര്ഗം സ്വീകരിക്കുന്ന സിപിഎം നേതാക്കള് വിഢികളുടെ സ്വര്ഗത്തിലാണെന്നും അദ്ദേഹം പ്രസ്താവനയില് പറഞ്ഞു.
പ്രതികരിക്കാൻ ഇവിടെ എഴുതുക: