കണ്ണൂര്: ആള് കേരള ഫോട്ടോഗ്രാഫേഴ്സ് അസോസിയേഷന് സംസ്ഥാന സമ്മേളനം 18 മുതല് കണ്ണൂരില് ആരംഭിക്കുമെന്ന് അസോസിയേഷന് ഭാരവാഹികള് പത്രസമ്മേളനത്തില് അറിയിച്ചു. നാളെ വൈകുന്നേരം കണ്ണൂര് നഗരത്തില് വിളംബരജാഥ നടക്കും. 18ന് വൈകുന്നേരം പതാക-കൊടിമര ജാഥകള് നടക്കും. വൈകുന്നേരം 3 മണിക്ക് അസോസിയേഷന് മുന് വൈസ് പ്രസിഡണ്ട് പരേതനായ ബി.രാഘവന്റെ ചൊക്ലിയിലെ വസതിയില് നിന്നും കൊടിമര ജാഥയും കരിവളളൂരിലെ ചിത്രം രചിച്ച ഫോട്ടോഗ്രാഫര് പരേതനായ പൊന്ന്യത്ത് ഗോപാലന്റെ വസതിയില് നിന്നും പതാകജാഥയും ആരംഭിക്കും. ജാഥകള് വൈകുന്നേരം 5 മണിക്ക് സമ്മേളന നഗരിയായ ദിനേശ് ഓഡിറ്റോറിയത്തില് സംഗമിക്കും. 19 ന് രാവിലെ സംസ്ഥാന പ്രസിഡണ്ട് പി.വി.ബാലന് പതാക ഉയര്ത്തും. തുടര്ന്ന് 10 മണിക്ക് തുറമുഖ വകുപ്പ് മന്ത്രി കടന്നപ്പളളി രാമചന്ദ്രന് സമ്മേളനം ഉദ്ഘാടനം ചെയ്യും.
സമ്മേളനത്തോടനുബന്ധിച്ച് നടക്കുന്ന ട്രേഡ്ഫെയര് മേയര് ഇ.പി.ലത ഉദ്ഘാടനം ചെയ്യും. ഉച്ചക്ക് 2 മണിക്ക് നടക്കുന്ന ഫോട്ടോഗ്രാഫി ശില്പ്പശാല സ്പീക്കര് പി.ശ്രീരാമകൃഷ്ണന് ഉദ്ഘാടനം ചെയ്യും. ഫോട്ടോഗ്രാഫിയും തൊഴില് സംസ്കാരവും എന്ന വിഷയത്തില് നടക്കുന്ന സെമിനാര് പൊന്ന്യം ചന്ദ്രന് ഉദ്ഘാടനം ചെയ്യും. ഉച്ചക്ക് 2.30 ന് വിളക്കുംതറ മൈതാനത്ത് നിന്ന് ആരംഭിക്കുന്ന പ്രകടനം ദിനേശ് ഓഡിറ്റോറിയത്തില് സമാപിക്കും. തുടര്ന്ന് നടക്കുന്ന പൊതുസമ്മേളനം മന്ത്രി എ.കെ.ശശീന്ദ്രന് ഉദ്ഘാടനം ചെയ്യും. വിവിധ അവാര്ഡുകള് ചടങ്ങില്വെച്ച് വിതരണം ചെയ്യും. കെ.എം.ഷാജി എംഎല്എ,പി.സി.ജോര്ജ്ജ് എംഎല്എ ,ബിജെപി ദേശീയ സമിതിയംഗം പി.കെ.വേലായുധന്, ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് തുടങ്ങി സാമൂഹ്യ-സാംസ്ക്കാരിക രാഷ്ട്രീയ രംഗത്തെ പ്രമുഖര് തുടങ്ങിയവര് സംസാരിക്കും. 21 ന് രാവിലെ 10 മണിക്ക് നടക്കുന്ന പ്രതിനിധി സമ്മേളനം കെ.കെ.രാഗേഷ് എംപി ഉദ്ഘാടനം ചെയ്യും. വൈകുന്നേരം സമ്മേളനം സമാപിക്കും. വാര്ത്താസമ്മേളനത്തില് ആള് കേരള ഫോട്ടോഗ്രാഫേഴ്സ് അസോസിയേഷന് സംസ്ഥാന പ്രസിഡണ്ട് പി.വി.ബാലന്, എം.എം.വിനോദ്കുമാര്, പ്രജിത്ത് കണ്ണൂര്, അനില്കുമാര്, രജീഷ് പിടികെ എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: