കോട്ടയം: എല്ഡിഎഫ് സര്ക്കാരിന്റെ യുവജനവഞ്ചനയ്ക്കെതിരെ യുവതയുടെ 10ലക്ഷം കയ്യൊപ്പ് പ്രക്ഷോഭപരിപാടിയുടെ ജില്ലാതല ഉദ്ഘാടനം യുവമോര്ച്ച കോട്ടയം ജില്ലാ കമ്മിറ്റിയുടെ ആഭിമുഖ്യത്തില് ജില്ലയില് സംഘടിപ്പിച്ചു. ജില്ലാ പ്രസിഡന്റ് അഖില് രവീന്ദ്രന് യോഗം ഉദ്ഘാടനം ചെയ്തു.
മുഴുവന് ഒഴിവുകളും പിഎസ്്സിക്ക് റിപ്പോര്ട്ട് ചെയ്യുക, റാങ്ക് ലിസ്റ്റ് നിലനില്ക്കുമ്പോഴുള്ള കരാര് നിയമനം അനുവദിക്കാതിരിക്കുക, ഒഴിവുള്ള തസ്തികകളില് ഉടന് നിയമനം നടത്തുക എന്നീ ആവശ്യങ്ങള് ഉയിച്ചുകൊണ്ട് യുവജനപ്രക്ഷോഭം സംഘടിപ്പിക്കുമെന്ന് അഖില് രവീന്ദ്രന് പറഞ്ഞു. ജില്ലാ ജനറല് സെക്രട്ടറി ലാല്കൃഷ്ണ അദ്ധ്യക്ഷത വഹിച്ചു. യുവമോര്ച്ച സംസ്ഥാന സമിതിയംഗം വിനയകുമാര്, ബിജെപി കോട്ടയം ജില്ലാ സെക്രട്ടറി സി.എന്.സുഭാഷ്, മണ്ഡലം വൈസ് പ്രസിഡന്റ് ബിനു.ആര്.വാര്യര്, യുവമോര്ച്ച ജില്ലാ വൈസ് പ്രസിഡന്റ് ഗോപന്.കെ.എസ്, സെക്രട്ടറിമാരായ, സോബിന്ലാല്,ശരത്ത് കുമാര്, രമ്യകൃഷ്ണന്, കൗണ്സിലര് ജ്യോതി ശ്രീകാന്ത് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: