കോഴിക്കോട്: പയ്യാനക്കല് അയ്യപ്പഭക്തസമിതിയുടെ ആഭിമുഖ്യത്തില് നടത്തുന്ന ഇരുപതാമത് അയ്യപ്പന് വിളക്ക് മഹോത്സവം നാളെ നിവേദിത കോര്ണറില് ആഘോഷിക്കും.
മഹാഗണപതിഹോമത്തോടെ ആരംഭിക്കുന്ന ചടങ്ങില് പടിഞ്ഞാറെ മുരിങ്ങത്ത് ക്ഷേത്രത്തില് നിന്നും കലശം എഴുന്നള്ളിക്കും. ഉച്ചക്ക് അന്നദാനവും വൈകീട്ട് കണ്ണഞ്ചേരി മഹാഗണപതി ക്ഷേത്രത്തില് നിന്നും പാലക്കൊമ്പ് എഴുന്നള്ളത്തും നടത്തും. മുത്തുക്കുട, ആന, പഞ്ചവാദ്യം, ആട്ടം, താലം എന്നിവയോടു കൂടിയ എഴുന്നള്ളത്ത് പന്നിയങ്കര റയില്വേഗേറ്റ്, ചക്കുംകടവ് വഴി വിളക്ക് പന്തലില് എത്തിച്ചേരും.
രാത്രി 8 മണിക്ക് ഡോ. മഹേഷ് ആദ്ധ്യാത്മിക പ്രഭാഷണവും വിശ്വപ്രഭ ഭജന്സിന്റെ ഭജനയുമുണ്ടാകും തുടര്ന്ന് അയ്യപ്പന് പാട്ട് തിരിഉഴിച്ചില്, കര്പ്പൂരാഴി, ഗുരുതിതര്പ്പണം എന്നിവയും അരങ്ങേറും, കൊലൊളമ്പ് ബാലന് സ്വാമിയും സംഘവുമാണ് വിളക്കുകാര്.
പ്രതികരിക്കാൻ ഇവിടെ എഴുതുക: