ചേര്ത്തല: കോണ്ഗ്രസ് നേതൃത്വത്തിലുള്ള സഹകരണ ബാങ്കില് അഴിമതി, ഭരണസമിതിക്കെതിരെ വകുപ്പുതല നടപടി ആരംഭിച്ചു. ശ്രീകണ്ഠമംഗലം സഹകരണബാങ്ക് ഭരണസമിതി പിരിച്ചുവിടാതിരിക്കാന് കാരണമുണ്ടെങ്കില് ബോധിപ്പിക്കാന് ആവശ്യപ്പെട്ടാണ് സഹകരണ ജോയിന്റ് രജിസ്ട്രാര് നോട്ടീസ് നല്കിയത്.
വസ്തുവാങ്ങല് ഇടപാടിലുള്പ്പെടെ ലക്ഷങ്ങളുടെ അഴിമതിയും ക്രമക്കേടുമാണ് കണ്ടെത്തിയത്. കോണ്ഗ്രസ് ജില്ലാ നേതാവിന്റെ നേതൃത്വത്തിലുള്ളതാണ് ബാങ്ക് ഭരണസമിതി. സംഭവവുമായി ബന്ധപ്പെട്ട് 22 ന് ആലപ്പുഴ ഓഫീസില് നേരിട്ട് ഹാജരായി കാരണം ബോധിപ്പിക്കണമെന്നാണ് ജോയിന്റ് രജിസ്ട്രാര് ആവശ്യപ്പെട്ടിരിക്കുന്നത്. ബാങ്ക് വസ്തുവാങ്ങിയതില് ക്രമക്കേടുണ്ടെന്നാരോപിച്ച് സഹകാരികള് സമര്പ്പിച്ച പരാതിയില് നേരത്തെ അന്വേഷണത്തിന് ഉത്തരവിട്ടിരുന്നു.
ഇതില് ഗുരുതര ക്രമക്കേടുകള് കണ്ടെത്തിയെന്നുള്ള റിപ്പോര്ട്ടിന്റെ അടിസ്ഥാനത്തിലാണ് കാരണംകാണിക്കല് നോട്ടീസ് നല്കിയതെന്നാണ് വിവരം. അന്വേഷണറിപ്പോര്ട്ടിന്റെ പകര്പ്പ് സഹിതമാണ് നോട്ടീസ് നല്കിയിരിക്കുന്നത്.
പ്രതികരിക്കാൻ ഇവിടെ എഴുതുക: