ഫറോക്ക്: ബിജെപി ഫറോക്ക് മുനിസിപ്പല് കമ്മിറ്റിയുടെ ആഭിമുഖ്യത്തില് ഫറോക്ക് ടൗണില് രാഷ്ട്രീയ വിശദീകരണപൊതുയോഗം നടത്തി. പൊതുയോഗം ബിജെപി സംസ്ഥാന സെക്രട്ടറി വി.കെ. സജീവന് ഉദ്ഘാടനം ചെയ്തു. കള്ളപ്പണവും കള്ളനോട്ടും തുടച്ചുനീക്കാനുള്ള ഒരു യുദ്ധമാണ് പ്രധാനമന്ത്രി നരേന്ദ്രമോദി രാജ്യത്ത് നടത്തിക്കൊണ്ടിരിക്കുന്നതെന്ന് വി.കെ. സജീവന് പറഞ്ഞു. എന്നാല് സിപിഎമ്മും കോണ്ഗ്രസും ഈ നടപടിയില് നിന്ന് മുഖംതിരിഞ്ഞ് നില്ക്കുകയും പദ്ധതി പരാജയപ്പെടുത്താനുള്ള കുപ്രചരണങ്ങള് നടത്തിക്കൊണ്ടിരിക്കുകയുമാണ്. ഭാരതത്തിലെ ജനങ്ങള് ഈ നടപടിയെ നിരുപാധികം പിന്തുണയ്ക്കുന്നുവെന്നതിന്റെ തെളിവാണ് ഉത്തരേന്ത്യയില് ഇപ്പോള് നടന്ന തെരെഞ്ഞെടുപ്പുകളില് ബിജെപി നേടിക്കൊണ്ടിരിക്കുന്ന വിജയം സൂചിപ്പിക്കുന്നതെന്നും സജീവന് പറഞ്ഞു.
ബിജെപി ജില്ലാപ്രസിഡന്റ് ടി.പി. ജയചന്ദ്രന് മുഖ്യപ്രഭാഷണം നടത്തി. ജില്ലാട്രഷറര് ടി.വി. ഉണ്ണികൃഷ്ണന്, മണ്ഡലം പ്രസിഡന്റ് പി.കെ. പരമേശ്വരന്, ജനറല് സെക്രട്ടറിമാരായ നാരങ്ങയില് ശശിധരന്, കെ. വാസുദേവന് എന്നിവര് പ്രസംഗിച്ചു. ബിജെപി ഫറോക്ക് മുന്സിപ്പല് കമ്മിറ്റി പ്രസിഡന്റ് വി. മോഹനന് അധ്യക്ഷത വഹിച്ചു. ജനറല്സെക്രട്ടറി ടി.ശ്യാമപ്രസാദ് സ്വാഗതവും വൈസ്പ്രസിഡന്റ് എന്.കെ. ഹരീന്ദ്രനാഥ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: