ആലപ്പുഴ: സംസ്ഥാന പാത എംസി റോഡ് കഴക്കൂട്ടം മുതല് ചെങ്ങന്നൂര് വരെയും കൊല്ലം – ആയൂര് റോഡ്, വര്ക്കല – കല്ലമ്പലം റോഡ്, പേരൂര്ക്കട – നെടുമങ്ങാട് റോഡ്, മണ്ണന്തല – തൈക്കോട് റോഡ് എന്നീ പ്രോജക്ട് റോഡുകളിലും സുരക്ഷിത യാത്ര സാദ്ധ്യമാക്കുന്നതിന് റോഡരികിലെ കയ്യേറ്റങ്ങള് ഒഴിപ്പിക്കുന്നതുള്പ്പടെയുള്ള നടപടികളിലേക്ക് കെഎസ്ടിപി കടക്കുന്നു.
പൊതുമരാമത്ത് വകുപ്പിന്റെ അനുവാദം കൂടാതെ സ്ഥാപിച്ചിരിക്കുന്ന പരസ്യബോര്ഡുകള്, ഫ്ളക്സുകള്, റോഡിലേക്ക് മാലിന്യം ഒഴുക്കിവിടല്, റോഡിലെ വെള്ളം ഒഴുകിപ്പോകുന്നതിന് തടസ്സം സൃഷ്ടിക്കല്, പാതയുടെ ഇരുവശങ്ങളിലും നിര്മാണ സാമഗ്രികള്, തടി എന്നിവ ശേഖരിക്കുക, കെട്ടിടങ്ങളുടെ ഇറക്കുകള് തുടങ്ങിയ എല്ലാ അനധികൃത കയ്യേറ്റങ്ങളും 31നകം സ്വമേധയാ റോഡില് നിന്ന് നീക്കം ചെയ്യണമെന്ന് കൊട്ടാരക്കര കെഎസ്ടിപി ഡിവിഷന് എക്സിക്യൂട്ടീവ് എഞ്ചിനിയര് അറിയിച്ചു.
നിര്ദ്ദേശങ്ങള് പാലിക്കാത്ത പക്ഷം കേരളാ ഹൈവേ പ്രൊട്ടക്ഷന് നിയമപ്രകാരം കയ്യേറ്റക്കാര്ക്കെതിരെ നിയമനടപടി എടുക്കും. കയ്യേറ്റങ്ങള് പൊളിച്ചെടുത്ത് സര്ക്കാരിലേക്ക് മുതല്ക്കൂട്ടുന്നതുമായിരിക്കും.
പ്രതികരിക്കാൻ ഇവിടെ എഴുതുക: