ഏറ്റുമാനൂര്: ഗവ.ഹയര് സെക്കന്ഡറി സ്ക്കൂളിന് നേരെ സാമൂഹ്യ വിരുദ്ധരുടെ അക്രമണം. അക്രമണത്തില് സ്കൂളിന് വ്യാപക നാശനഷ്ടം. ഏറ്റുമാനൂര് പോലീസ് സ്റ്റേഷനും സര്ക്കിള് ഓഫീസിനും തൊട്ടടുത്ത സ്കൂളിലാണ് സാമൂഹ്യ വിരുദ്ധര് അഴിഞ്ഞാടിയത്. അക്രമികള് സ്കൂളിലെ ഭൂരിഭാഗം ക്ലാസ് മുറികളുടെയും കമ്പ്യൂട്ടര് ലാബിന്റേയും ജനാലകളുടെ ചില്ലുകളും, ജലവിതരണ പൈപ്പുകളും തകര്ത്തു. അക്രമികള് മൈതാനത്ത് കുട്ടികള് നടക്കുന്ന വഴികളില് ട്യൂബ് ലൈറ്റ് പൊട്ടിച്ചിടുകയും ക്ലാസ് മുറികളുടെ മുന്വശത്ത് മദ്യക്കുപ്പികളും ,കോളാ കുപ്പികളും പൊട്ടിച്ചിടുകയും ചെയ്തു. ബോയ്സ് ഹൈസ്കൂളും, വൊക്കേഷനല് ഹയര് സെക്കന്ഡറി സ്ക്കൂളും, ഗവ.കോമേഴ്സല് ഇന്സ്റ്റിറ്റിയൂട്ടും ഈ കോമ്പൗഡിലാണ് പ്രവര്ത്തിക്കുന്നത്.
സ്കൂള് മൈതാനത്ത് പ്രവേശിക്കുന്ന രണ്ടു വഴികളിലും ഗെയിറ്റില്ലാത്തതിനാല് ഇത് വഴിയാണ് അക്രമികള് സ്കൂളിനുള്ളില് പ്രവേശിച്ചത്. സ്കൂളിനുനേരെ നടന്ന സാമൂഹ്യ വിരുദ്ധ അക്രമണത്തില് പിടിഎയും സ്കുള് അധികൃതരും ഏറ്റുമാനൂര് പോലീസില് പരാതി നല്കി. സ്കൂളിന് നേരെ അക്രമണം നടത്തിയ സാമൂഹ്യ വിരുദ്ധര്ക്കെതിരെ ശക്തമായ നടപടി സ്വീകരിക്കണമെന്ന് ബിജെപി ഏറ്റുമാനൂര് നിയോജക മണ്ഡലം സെക്രട്ടറി അനീഷ്.വി.നാഥ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: