ന്യൂദല്ഹി: രാജ്യത്തെ കമ്യൂണിസ്റ്റ് ഭീകരവാദ മേഖലകളില് റോഡ് സൗകര്യമൊരുക്കാനുള്ള പദ്ധതിക്ക് പ്രധാനമന്ത്രി മോദിയുടെ അധ്യക്ഷതയില് ചേര്ന്ന കേന്ദ്ര മന്ത്രിസഭയുടെ സാമ്പത്തികകാര്യ സമിതി അംഗീകാരം നല്കി.
ഇടത് തീവ്രവാദം രൂക്ഷമായ 44 ജില്ലകളില് സുരക്ഷാ സാഹചര്യം പരിഗണിച്ചാണ് ഗ്രാമീണ റോഡുകള് വഴി ബന്ധിപ്പിക്കാനുള്ള പദ്ധതി നടപ്പാക്കുന്നത്. പ്രധാനമന്ത്രി ഗ്രാം സഡക് യോജനക്കു കീഴിലാണ് പദ്ധതി നടപ്പിലാക്കുക.
11724.53 കോടി രൂപ മുതല് മുടക്കില് 5411.81 കിലോമീറ്റര് റോഡും 126 പാലങ്ങളും നിര്മ്മിക്കും.
എട്ടു വടക്കു കിഴക്കന് സംസ്ഥാനങ്ങളിലും ജമ്മുകാശ്മീര്, ഹിമാചല്പ്രദേശ്, ഉത്തരാഖണ്ഡ് എന്നിവിടങ്ങളിലും പദ്ധതി നടപ്പാക്കുന്നതാണ്. 2016-17 മുതല് 2019-20 വരെയുള്ള കാലയളവില് ഗ്രാമീണവികസന മന്ത്രാലയത്തിന് ധനകാര്യ മന്ത്രാലയം 7034.72 കോടി രൂപ അനുവദിക്കും.
പ്രതികരിക്കാൻ ഇവിടെ എഴുതുക: