മുക്കം: പരിസ്ഥിതി സംരക്ഷണത്തിന്റെ പ്രായോഗിക ശിക്ഷണം തേടി വിദ്യാര്ത്ഥികള്. അവര്ക്ക് ചെടികളും മരങ്ങളും അവയുടെ ഔഷധഗുണങ്ങളും പരിചരണമുറകളും പരിചയപ്പെടുത്തി പരിസ്ഥിതി പ്രവര്ത്തകനും പ്രഭാഷകനുമായ തച്ചോലത്ത് ഗോപാലന്. മണാശ്ശേരി ഗവ.യുപി സ്കൂളില് നടന്ന ആര്ഇസി ഗവ.ഹയര് സെക്കണ്ടറി സ്കൂള് വിദ്യാര്ത്ഥികളുടെ എന്എസ്എസ് സപ്തദിന ക്യാമ്പ് ഉറവിന്റെ ഭാഗമായാണ് വളണ്ടിയര്മാര് മുക്കം പഞ്ചായത്ത് മുന് പ്രസിഡന്റുകൂടിയായ തച്ചോലത്ത് ഗോപാലനെ തേടി വീട്ടിലെത്തിയത്. ഔഷധഗുണങ്ങളുള്ള ചെടികളും വൃക്ഷങ്ങളും നട്ടുനനച്ചു പരിപാലിക്കുകയും ആശ്രമതുല്യമായ അന്തരീക്ഷത്തില് താമസിക്കുകയും ചെയ്യുന്ന തച്ചോലത്തിന്റെ വീടും പരിസരവും അദേഹത്തോടൊപ്പം നടന്നു കാണുകയും അറിവു നേടുകയും ചെയ്തശേഷമാണ് സംതൃപ്തരായി വിദ്യാര്ത്ഥികളും അവര്ക്കൊപ്പമെത്തിയ അദ്ധ്യാപകരും മടങ്ങിയത്.
മണാശ്ശേരി അങ്ങാടിയിലെ തോടിന്റെ ശുചീകരണത്തിന് ശേഷമാണ് എന്എസ്എസ് വളണ്ടിയര്മാര് തച്ചോലത്ത് ഗോപാലന്റെ വീട്ടിലെത്തിയത്. പ്രിന്സിപ്പാള് വി.പി. കൃഷ്ണകുമാര്, പ്രോഗ്രാം ഓഫീസര് എന്.ടി. കവിത, അദ്ധ്യാപകരായ പി. സുമേഷ്, ബിമല് കുമാര്, ബെറ്റ്സി മാത്തു, പി.പി. ബിന്ദു, സി. രാജന് എന്നിവര് നേതൃത്വം നല്കി.
തോട് പ്ലാസ്റ്റിക് വിമുക്തമാക്കി ശുചിയാക്കുന്ന യജ്ഞത്തിന്റെ ഉദ്ഘാടനം മുക്കം നഗരസഭ ചെയര്മാന് വി. കുഞ്ഞന് നിര്വ്വഹിച്ചു. വിദ്യാഭ്യാസ സ്റ്റാന്റിങ് കമ്മിറ്റി ചെയര്മാന് എന്.ചന്ദ്രന് മാസ്റ്റര്, വികസന സ്റ്റാന്റിങ് കമ്മിറ്റി ചെയര്പേഴ്സണ് വി. ലീല, കൗണ്സിലര്മാരായ ഗിരിജ, ശ്രീദേവി എന്നിവരും പങ്കെ ടുത്തു.
പ്രതികരിക്കാൻ ഇവിടെ എഴുതുക: