കോഴിക്കോട്: 2016-17 വര്ഷത്തെ വാര്ഷിക പദ്ധതി ഭേദഗതി ചെയ്യാനുള്ള അനുമതി തദ്ദേശ സ്വയംഭരണ സ്ഥാപനങ്ങള്ക്ക് നല്കാന് വീകേന്ദ്രീകൃതാസൂത്രണത്തിനുള്ള കോ-ഓര്ഡിനേഷന് കമ്മിറ്റി തീരുമാനിച്ചു. ഇതുപ്രകാരം തദ്ദേശ സ്വയംഭരണ സ്ഥാപനങ്ങള്ക്ക് പ്രൊജക്ടുകളില് ആവശ്യമായ ഭേദഗതി വരുത്താവുന്നതാണ്.
ഭേദഗതി ബാധകമാക്കിയിട്ടുള്ള പദ്ധതികള്: തദ്ദേശമിത്രം പദ്ധതി, പദ്ധതി അംഗീകാരം ലഭിച്ചതിനു ശേഷം അധികമായി വന്ന സേവിംഗ്സ് തുക ഉപയോഗിച്ചുള്ള പദ്ധതികള്, മഴവെള്ള സംഭരണം, കിണര് റീചാര്ജിംഗ്, വരള്ച്ചാ പ്രതിരോധ പ്രവര്ത്തനങ്ങള് തുടങ്ങിയവ സംബന്ധിച്ച് ഏറ്റെടുക്കുന്ന പദ്ധതികള്, വാര്ഷിക പദ്ധതിയില് ഉള്പ്പെടുന്നതും എന്നാല് മറ്റ് ഫണ്ടുകള് ഉപയോഗിച്ച് നടപ്പാക്കിയതുമായ പ്രൊജക്ടുകള്, ഫീസിബിലിറ്റി സര്ട്ടിഫിക്കറ്റ് ലഭിക്കാത്ത എസ്സി/എസ്ടി, ഗ്രൗണ്ട് വാട്ടര് വകുപ്പ് തുടങ്ങിയവയുടെ പ്രൊജക്ടുകള്, പിഎംഎവൈ/ഐഎവൈ പദ്ധതികള്ക്ക് വേണ്ടി തുക കണ്ടെത്തുന്നതിന്.
തനതു ഫണ്ടില് അംഗീകാരം ലഭിച്ച പദ്ധതികള്ക്ക് പകരം വികസന ഫണ്ട്/ലോക ബാങ്ക് വിഹിതം തുടങ്ങിയവ ഉപയോഗിക്കുന്നതിനായി ഭേദഗതി പാടില്ല.
ഭേദഗതി പാടില്ലാത്ത സ്പില് ഓവര് പ്രൊജക്ടുകളില് ഇനി ഭേദഗതി അനുവദിക്കുന്നതല്ല. സമ്പൂര്ണ വൈദ്യുതീകരണത്തിന്റെ ഭാഗമായി വീട് വയറിംഗ് ചെയ്യുന്നതിന് തദ്ദേശ സ്വയംഭരണ സ്ഥാപനങ്ങള് നിലവില് വരുന്ന വിഹിതമായ 2,000 രൂപ 5,000 രൂപയായി ഉയര്ത്താനും തീരുമാനിച്ചു.
പ്രതികരിക്കാൻ ഇവിടെ എഴുതുക: