ഇടുക്കി: ജില്ലാ പോലീസ് തങ്ങളുടെ പ്രവര്ത്തനങ്ങള് കൂടുതല് ഊര്ജ്വസ്വലമായി മുന്നോട്ട് കൊണ്ടുപോകുവാനായി പുത്തന് തീരുമാനങ്ങളുമായി രംഗത്ത്. മുന്വര്ഷത്തെ പിഴവുകളും പോരായ്മകളും തിരുത്തി പുതുവര്ഷത്തേ വരവേല്ക്കാനുള്ള നീക്കമാണ് ഒരുക്കങ്ങളോടെ അണിയറയില് നടക്കുന്നത്.
ജില്ലാ പോലീസ് മേധാവി എ വി ജോര്ജാണ് ഇത് സബന്ധിച്ച് പ്രസ്ഥാവന ഇറക്കിയിരിക്കുന്നത്. ജനങ്ങളുടെ ക്ഷേമത്തിനായി പോലീസ് ഉണ്ടാകുമെന്ന സൂചനയോടെയാണ് എല്ലാ വിഷയങ്ങളെയും എസ്പി നോക്കി കണ്ടിരിക്കുന്നത്.
ചില സുപ്രധാന തീരുമാനങ്ങള് ഇവയാണ്: പോലീസ് സ്റ്റേഷനുകളുടെ പ്രവര്ത്തനം ജനസൗഹൃദമാക്കുന്നതിനും ജനങ്ങള്ക്ക് നിര്ഭയമായി പരാതികള് സമര്പ്പിക്കുന്നതിനും പരിഹാരങ്ങള് ഉണ്ടാക്കുന്നതിനും സേനയെ സജ്ജമാക്കുന്നതിന്റെ ഭാഗമായി പോലീസ് ഉദ്യോഗസ്ഥര്ക്ക് ക്ലാസുകളും പരിശീലനങ്ങളും നടത്തുവാനും തീരുമാനമായി.
കുറ്റകൃത്യങ്ങള് തെളിയിക്കുന്നതിന് വേണ്ടി ശാസ്ത്രീയമായ കുറ്റാന്വേഷണ രീതികള് അവലംബിി
ക്കും. മദ്യം മയക്കുമരുന്ന് മുതലായവയുടെ ഉപയോഗം കുറയ്ക്കുന്നതിനും അവയുടെ വിപണനം, വിതരണം എന്നിവ തടയുന്നതിനും ആവശ്യമായ പ്രവര്ത്തനങ്ങള് ഊര്ജ്ജിതപ്പെടുത്തുകയും അനധികൃത മദ്യവില്പ്പന, മയക്കുമരുന്ന് വില്പ്പന എന്നിവ തടയുന്നതിന് പൊതുജനപങ്കോളിത്തത്തോടെയുള്ള നടപടികള് സ്വീകരിക്കും.
കുട്ടികള്ക്കെതിരെയുള്ള വിവിധ തരത്തിലുള്ള അതിക്രമങ്ങളായ ബാലവേല, ലൈംഗീക ചൂഷ്ണം ശൈശവ വിവാഹം മുതലായവ തടയുന്നതിനും കുട്ടികളെ തങ്ങളുടെ അവകാശങ്ങളെക്കുറിച്ച് ബോധവാന്മാരാക്കുന്നതിനും പ്രത്യേക പദ്ധതികള് നടപ്പാക്കും. പട്ടികജാതി പട്ടികവര്ഗ പിന്നോക്ക സമുദായത്തില്പ്പെട്ടവര്ക്കെതിരെയുള്ള അതിക്രമവും ചൂഷണവും തടയുന്നതിന് കര്ശനമായ നിയമ നടപടികള് സ്വീകരിക്കും.
മണല് വാരല്, അനധികൃത പാറപൊട്ടിക്കല്, നെല്വയല് നികത്തല്, അനധികൃത കെട്ടിട നിര്മ്മാണം ഭൂമി കയ്യേറ്റം തുടങ്ങിയ കാര്യങ്ങളില് ഫലപ്രദമായ ഇടപെടലുകള് നടത്തുകയും നിയമ നടപടികള് സ്വീകരിക്കാനും തീരുമാനമായി.
പോലീസ് ഉദ്യോഗസ്ഥരുടെ സാന്നിധ്യം ടൂറിസം മേഖല
കളില് ഉറപ്പുവരുത്തുന്നതിന്റെ ഭാഗമായി കുമളി ടൂറിസം പോലീസ് മാതൃകയില് മൂന്നാറിലും ടൂറിസം പോലീസ് യൂണിറ്റ് ആരംഭിക്കുന്നതിനുള്ള നടപടികള് സ്വീകരിക്കും. ജനങ്ങളിലേയ്ക്ക് പോലീസിന്റെ കൂടുതല് സേവനം എത്തിക്കുന്നതിനായി മാങ്കുളം, ഉടുമ്പന്ചോല, ഏലപ്പാറ തുടങ്ങിയ സ്ഥലങ്ങളില് പുതിയ പോലീസ് സ്റ്റേഷനുകള് ആരംഭിക്കുന്നതിനും, കോവിലൂര്, ഇടമലക്കുടി, വെണ്മണി, പെരിങ്ങാശേരി എന്നീ സ്ഥലങ്ങളില് പുതിയ പോലീസ് ഔട്ട് പോസ്റ്റുകള് സ്ഥാപിക്കുന്നതിന് വേണ്ട നടപടികള് സ്വീകരിക്കുകയും പ്രധാനപ്പെട്ട സ്ഥലങ്ങളില് പരാതിപ്പെട്ടികള് വച്ച് സാധാരണ ജനങ്ങളുടെ പരാതികള് സ്വീകരിക്കാനും ജില്ലാ പോലീസ് മേധാവി സേനയ്ക്ക് പ്രത്യേകം നിര്ദ്ദേശം നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക: