പീരുമേട്: വണ്ടിപ്പെരിയാര് പോലീസിന്റെ വാഹന പരിശോധന തിരക്കേറിയ സ്ഥലത്ത്.
വണ്ടിപ്പെരിയാര് ടൗണിലെ പാലത്തിന് സമീപമാണ് ഇന്നലെ വാഹന പരിശോധന നടത്തിയത്. ടൗണിലൂടെ അന്യസംസ്ഥാന തീര്ത്ഥാടകരുടെ വാഹനങ്ങളാല് ഉണ്ടാകുന്ന ഗതാഗതക്കുരുക്ക് മണിക്കൂറുകള് നീളുന്നത് ഇവിടെ പതിവാണ്. ഇതിനിടയിലാണ് പോലീസ് വാഹനപരിശോധനയ്ക്കായി എത്തിയത്.
സാധാരണയായി ടൗണിന് വെളിയിലാണ് ഇവര് വാഹനപരിശോധന നടത്തി വന്നിരുന്നത്. ടൗണില് പുതുവര്ഷത്തിന്റെയും ശബരിമലതീര്ത്ഥാടകരുടെയും തിരക്കുള്ള സമയത്ത് പരിശോധന നടത്തിയത് നാട്ടുകാരില് പ്രതിഷേധത്തിന് ഇടയാക്കി.
പ്രതികരിക്കാൻ ഇവിടെ എഴുതുക: