പീതക്കടലായി ശിവഗിരി; തീര്‍ത്ഥാടകരായി ലക്ഷങ്ങള്‍

Saturday 31 December 2016 10:51 pm IST

വര്‍ക്കല: ശിവഗിരിക്കുന്നുകളില്‍ നിന്ന് മലയിറങ്ങിയ പീതക്കടല്‍ നഗരംചുറ്റി ശിവഗിരി തീര്‍ത്ഥാടനത്തിന്റെ രണ്ടാം ദിവസം അവിസ്മരണീയമാക്കി. ‘ഓം ശ്രീനാരായണ പരമഗുരവേ നമ:’ എന്ന ഗുരുദേവ മൂലമന്ത്ര ജപത്തോടെയാണ് പതിനായിരക്കണക്കിന് ഭക്തര്‍ ഇന്നലെ രാവിലെ നടന്ന തീര്‍ത്ഥാടന ഘോഷയാത്രയില്‍ പങ്കെടുത്തത്. സ്വാമിമാരായ പ്രകാശാനന്ദ, വിശുദ്ധാനന്ദ, സാന്ദ്രാനന്ദ, ശാരദാനന്ദ, ശിവസ്വരൂപാനന്ദ, വിശാലാനന്ദ, സച്ചിദാനന്ദ, ഋതംഭരാനന്ദ, ഗുരുപ്രസാദ്, അമേയാനന്ദ, പരാനന്ദ, സദ്രൂപാനന്ദ, ധര്‍മവ്രത, സത്യാനന്ദതീര്‍ത്ഥ എന്നിവര്‍ തീര്‍ത്ഥാടന ഘോഷയാത്രക്ക് നേതൃത്വം നല്‍കി.
കേരളത്തിനകത്തും പുറത്തും നിന്നായി ലക്ഷക്കണക്കിന് തീര്‍ത്ഥാടകരാണ് ഇന്നലെ ശിവഗിരിയിലെത്തിയത്. തീര്‍ത്ഥാടകരുടെ ഒഴുക്ക് വെള്ളിയാഴ്ച രാത്രിയോടെ തന്നെ വര്‍ധിച്ചിരുന്നു. ശിവഗിരി തീര്‍ത്ഥാടനത്തിലെ പ്രധാന സമ്മേളനമായ തീര്‍ത്ഥാടക മഹാസമ്മേളനം കേന്ദ്ര സാംസ്‌കാരിക, ടൂറിസം മന്ത്രി ഡോ. മഹേഷ് ശര്‍മ ഉദ്ഘാടനം ചെയ്തു. ഇന്ത്യയിലിലെയും ലോകത്തെയും വിവിധ തീര്‍ത്ഥാടന കേന്ദ്രങ്ങളെ കുറിച്ചും അവയുടെ ആത്മീയ വിശുദ്ധിയെ കുറിച്ചും പ്രതിപാദിച്ച അദ്ദേഹം, ശിവഗിരി മുന്നോട്ടുവെക്കുന്ന ദര്‍ശനം മനുഷ്യത്വത്തിന്റേതാണെന്ന് പറഞ്ഞു. ശിവഗിരിയുടെ പുരോഗതിക്കായി നൂറുകോടി രൂപവരെ അനുവദിക്കാന്‍ കേന്ദ്രസര്‍ക്കാര്‍ സന്നദ്ധമാണെന്ന മഹേഷ് ശര്‍മയുടെ പ്രഖ്യാപനം സദസ്സ് കരഘോഷത്തോടെയാണ് ശ്രവിച്ചത്. ധര്‍മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അദ്ധ്യക്ഷത വഹിച്ചു. ലുലു ഗ്രൂപ്പ് ചെയര്‍മാന്‍ ഡോ. എം.എ യൂസഫലി മുഖ്യാതിഥിയായി പങ്കെടുത്തു. രാജീവ് ചന്ദ്രശേഖര്‍ എം.പി, കൊടിക്കുന്നില്‍ സുരേഷ് എം.പി, ഡെപ്യൂട്ടി സ്പീക്കര്‍ വി. ശശി, മുന്‍മന്ത്രി സി.വി പത്മരാജന്‍, സ്വാമി, സച്ചിദാനന്ദ, ബിജെപി സംസ്ഥാന വക്താവ് ജെ.ആര്‍. പത്മകുമാര്‍, സ്വാമി സാന്ദ്രാനന്ദ, സ്വാ

ശിവഗിരിയില്‍ തീര്‍ത്ഥാടനത്തിനെത്തിയവരുടെ തിരക്ക്‌

മി ഋതംഭരാനന്ദ, സ്വാമി ശങ്കരാനന്ദ, സ്വാമി ശിവസ്വരൂപാനന്ദ, ഡോ.എ.വി അനൂപ്, കെ. മുരളീധരന്‍, സ്വാമി വിശാലാനന്ദ എന്നിവര്‍ സംബന്ധിച്ചു.
സാമൂഹ്യപുരോഗതിയില്‍ കൃഷി, കൈത്തൊഴില്‍ വ്യവസായങ്ങളുടെ പങ്ക് എന്ന വിഷയത്തെ ആസ്പദമാക്കി ഉച്ചക്ക് 1.30ന് നടന്ന കാര്‍ഷിക വ്യാവസായിക സമ്മേളനം സംസ്ഥാന കൃഷിമന്ത്രി വി.എസ് സുനില്‍കുമാര്‍ ഉദ്ഘാടനം ചെയ്തു. മന്ത്രി കടന്നപ്പള്ളി രാമചന്ദ്രന്‍ അദ്ധ്യക്ഷത വഹിച്ചു. ആനത്തലവട്ടം ആനന്ദന്‍, ഡോ. പി. രാജേന്ദ്രന്‍, സി.കെ. ഹരീന്ദ്രന്‍ എംഎല്‍എ, ബിജു പ്രഭാകര്‍ ഐഎഎസ്, ഡോ. ആര്‍. ഗോപിമണി, എസ്. സുരേഷ്, സ്വാമി വിശാലാനന്ദ, സാന്ദ്രാനന്ദ, വിശാലാനന്ദ, ശിവസ്വരൂപാനന്ദ, എസ്. ഷാജി എന്നിവര്‍ സംസാരിച്ചു. വൈകിട്ട് ആറിന് നടന്ന ശാസ്ത്ര സാങ്കേതിക സമ്മേളനം മുഖ്യമന്ത്രിയുടെ ശാസ്ത്ര ഉപദേഷ്ടാവ് എം.സി. ദത്തന്‍ ഉദ്ഘാടനം ചെയ്തു. സ്വാമി സാന്ദ്രാനന്ദ അദ്ധ്യക്ഷത വഹിച്ചു. രാത്രി 10ന് വിഷ്വല്‍ മെഗാ ഗാനമേളയും ഒരുമണിക്ക് വൈക്കം മാളവികയുടെ നാടകവും അരങ്ങേരി.
തീര്‍ത്ഥാടനം ഇന്ന് സമാപിക്കും. രാവിലെ 10ന് നടക്കുന്ന സംഘടനാ സമ്മേളനം സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉദ്ഘാടനം ചെയ്യും. സ്വാമി ഋതംഭരാനന്ദ അദ്ധ്യക്ഷത വഹിക്കും. ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍, ബിനോയ് വിശ്വം, വി.ഡി. സതീശന്‍, ടി.വി. ബാബു തുടങ്ങിയവര്‍ സംസാരിക്കും. സാഹിത്യ സമ്മേളനം മന്ത്രി എ.കെ. ബാലന്‍ ഉദ്ഘാടനം ചെയ്യും. സ്വാമി അവ്യയാനന്ദ അദ്ധ്യക്ഷത വഹിക്കും.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.