ചാത്തന്നൂര്:’ഭാരതത്തിന് പുരോഗമനമുണ്ടാകണമെങ്കില് ഹിന്ദുക്കള് ഒരുമിച്ചുനില്ക്കണമെന്നും ജാതിയുടെ പേരില് ഹിന്ദുക്കളിലുള്ള വിഭാഗീയത മാറ്റുവാനാണ് തൊണ്ണൂറ്റിയൊന്ന് വര്ഷമായി ആര്എസ്എസ് ശ്രമിച്ചുകൊണ്ടിരിക്കുന്നതെന്നും
അഖില ഭാരതീയ സീമാ ജാഗരണ്മഞ്ച് എ.ഗോപാലകൃഷ്ണന്.
പരവൂര് ഊന്നിന്മൂട് ചെമ്പകശേരി ഹയര്സെക്കന്ററി സ്കൂളില് ഏഴുദിവസമായി നടന്നുവന്ന പ്രാഥമിക ശിക്ഷാവര്ഗിന്റെ പൊതുപരിപാടിയില് മുഖ്യപ്രഭാഷണം നടത്തുകയായിരുന്നു അദ്ദേഹം.
ഹിന്ദു സമാജത്തിന് പൗരുഷമുണ്ടാക്കാനാണ് വ്യായാമമുറകള് അഭ്യസിപ്പിക്കുന്നത്. ആയുധ പരിശീലനമല്ല ശിബിരത്തില് നടക്കുന്നത്. സ്നേഹവും, കര്മ്മവും മനസിലാക്കി ഭാരതത്തെ സേവിക്കുന്ന ഒരു തലമുറയെ വാര്ത്തെടുക്കാന് ഇതിലൂടെ കഴിയുമെന്നും അദ്ദേഹം പറഞ്ഞു.
രഘുപിള്ള അദ്ധ്യക്ഷത വഹിച്ച പരിപാടിയില് ബിജെപി സംസ്ഥാനസമിതിയംഗം ബി.ബി ഗോപകുമാര് (ശിബിരാധികാരി), റിട്ട.ഹെഡ്മാസ്റ്റര് വി.രാജു (ശിബിര കാര്യവാഹ്) എന്നിവര് പങ്കെടുത്തു. സമാപന ദിവസമായതിനാല് രാവിലെ എട്ടിന് ബിജെപി സംസ്ഥാന പ്രസിഡന്റ് കുമ്മനം രാജശേഖരന് ശിബിരത്തില് സന്ദര്ശനം നടത്തി.
പ്രതികരിക്കാൻ ഇവിടെ എഴുതുക: