ന്യൂദല്ഹി: ഇന്ത്യന് ക്രിക്കറ്റ് ബോര്ഡ് (ബിസിസിഐ) പ്രസിഡന്റ് അനുരാഗ് ഠാക്കൂറിനെയും സെക്രട്ടറി അജയ് ഷിര്കകെയെയും സുപ്രീം കോടതി നീക്കി. വ്യാജസത്യവാങ്മൂലം സമര്പ്പിച്ചതിനെ തുടര്ന്നാണ് കോടതി നടപടി സ്വീകരിച്ചത്.
അനുരാഗ് ഠാക്കൂര് വ്യാജ സത്യവാങ്മൂലം നല്കിയെന്നും ക്ഷമാപണം നടത്തിയില്ലെങ്കില് ജയിലില് പോകേണ്ടിവരുമെന്നും സുപ്രീം കോടതി മുന്നറിയിപ്പ് നല്കിയിരുന്നു. ഇതിനു പിന്നാലെയാണ് നടപടി. ലോധ കമ്മിറ്റി റിപ്പോര്ട്ട് അംഗീകരിച്ചാണ് അനുരാഗ് ഠാക്കൂറിനെതിരായ നടപടി.
ആരും നിയമത്തിന് അതീതരല്ലെന്ന് ജസ്റ്റിസ് ആര്.എം. ലോധ പ്രതികരിച്ചു. സുപ്രീം കോടതി വിധി മറ്റു കായിക സംഘടനകള്ക്കും മാതൃകയാകണമെന്നും അദ്ദേഹം അഭിപ്രായപ്പെട്ടു. മുതിര്ന്ന വൈസ് പ്രസിഡന്റിനും ജോയിന്റ് സെക്രട്ടറിക്കുമാണ് പകരം ചുമതല ഇപ്പോൾ നൽകിയിരിക്കുന്നത്.
പ്രതികരിക്കാൻ ഇവിടെ എഴുതുക: