കണ്ണൂര്: സംസ്ഥാനത്ത് റേഷന് പ്രതിസന്ധി നിലനില്ക്കുന്നതായി തുറന്നു സമ്മതിച്ച് മുഖ്യമന്ത്രി പിണറായി വിജയന്. കണ്ണൂര് മാതമംഗലത്ത് സംസ്ഥാനത്തെ റേഷന് പ്രതിസന്ധി എല്ഡിഎഫ് സര്ക്കാര് ഉണ്ടാക്കിയതല്ലെന്ന് മുഖ്യമന്ത്രി പിണറായി വിജയന്. കഴിഞ്ഞ യുഡിഎഫ് ഭരണകാലത്ത് തന്നെ നടപ്പാക്കേണ്ടതായിരുന്നു രാജ്യമൊട്ടാകെ നിലവില്വന്ന ഭക്ഷ്യസുരക്ഷാ നിയമം. എന്നാല് കഴിഞ്ഞ യുഡിഎഫ് സര്ക്കാര് നിയമം നടപ്പാക്കുന്നതിനാവശ്യമായ നടപടിക്രമങ്ങളൊന്നും ചെയ്യാതെ പലകാരണങ്ങള് പറഞ്ഞ് അവധി നീട്ടിവാങ്ങി. പുതിയ സര്ക്കാര് അധികാരത്തില് വരുമ്പോഴേക്കും കേരളമല്ലാത്ത മറ്റെല്ലാ സംസ്ഥാനങ്ങളും നിയമം നടപ്പാക്കിക്കഴിഞ്ഞിരുന്നു. നിയമം ഇനിയും നടപ്പാക്കാത്ത കേരളത്തിന് അരി തരാന് നിര്വാഹമില്ലെന്നായിരുന്നു കേന്ദ്രസര്ക്കാര് നിലപാട്. എന്നാല് എല്ഡിഎഫ് സര്ക്കാര് അധികാരത്തില് വന്ന ശേഷം റേഷന് പ്രതിസന്ധിയുണ്ടായി എന്ന രീതിയിലാണ് പ്രചാരണങ്ങളെന്നും അദ്ദേഹം പറഞ്ഞു. എരമം-കുറ്റൂര് പഞ്ചായത്ത് മാതമംഗലത്ത് നിര്മിച്ച പുതിയ ബസ് സ്റ്റാന്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പ്രതികരിക്കാൻ ഇവിടെ എഴുതുക: