കോട്ടയം: കാസര്ഗോഡ് ജില്ലയിലെ ചീമേനി പഞ്ചായത്തില് നടന്ന പദയാത്രയ്ക്കുനേരെ സിപിഎം നടത്തിയ അക്രമണത്തിനെതിരെയും, ബിജെപി സംസ്ഥാന ജന. സെക്രട്ടറി കെ. സുരേന്ദ്രനെയും ആര്എസ്എസ് സംസ്ഥാന കാര്യകാര്യസദസ്യന് വത്സന് തില്ലങ്കേരിയെയും അറസ്റ്റ് ചെയ്തതില് പ്രതിഷേധിച്ച് ബിജെപി നിയോകമണ്ഡലം കമ്മിറ്റിയുടെ നേതൃത്വത്തില് കോട്ടയം ടൗണില് പ്രതിഷേധ പ്രകടനവും യോഗവും നടത്തി.
ബിജെപി സംസ്ഥാന സമിതി അംഗം ടി.എന്. ഹരികുമാര് പ്രതിഷേധ പ്രകടനം ഉദ്ഘാടനം ചെയ്തു. കേരളത്തില് പിണറായി സര്ക്കാര് അധികാരത്തില് വന്നതിനുശേഷം സംസ്ഥാനത്തിന്റെ വിവിധ ഭാഗങ്ങളില് ബോധപൂര്വ്വം അക്രമം അഴിച്ചുവിടുകയാണെന്നും ഭരണപരാജയം മറച്ചു വയ്ക്കുന്ന ഇത്തരക്കാര്ക്കെതിരെ പൊതുജനങ്ങള് ജനാധിപത്യ രീതിയില് പ്രതികരിക്കണമെന്നും അദ്ദേഹം പറഞ്ഞു. പിണറായി സര്ക്കാര് അധികാരത്തില്വന്നതിനുശേഷം സാധാരണക്കാര്ക്ക് അരി കിട്ടാതാകുകയും തൊഴിലാളികള്ക്ക് ശമ്പളം കൊടുക്കാത്ത സാഹചര്യവുമാണ് നിലവില് ഉള്ളതെന്നും ഹരികുമാര് കുറ്റപ്പെടുത്തി.
ബിജെപി നിയോകജമണ്ഡലം പ്രസിഡന്റ് ബിനു ആര്. വാര്യര് നേതൃത്വം നല്കിയ പ്രതിഷേധ പ്രകടനത്തില് ജില്ലാ സെക്രട്ടറിമാരായ സി.എന്. സുബാഷ്, എം.വി. ഉണ്ണികൃഷ്ണന്, റീബ വര്ക്കി, യുവമോര്ച്ച ജില്ലാ പ്രസിഡന്റ് അഖില് രവീന്ദ്രന്, നിയോജകമണ്ഡലം ജനറല് സെക്രട്ടറിമാരായ വി.പി. മുകേഷ്, പി.പി. രണരാജ്, കെ.യു. ശാന്തകുമാര്, കുടമാളൂര് രാധാകൃഷ്ണന്, നാസര് റാവുത്തര്, രമേശ് കല്ലില്, പ്രവീണ് ദിവാകരന്, സിന്ദു അജിത്ത്, ടി.കെ. തങ്കച്ചന്, റിനോഷ് പി.ടി., അനില്കുമാര്, മോഹനന്, ഹരി കിഴക്കേക്കുറ്റ്, കെ.ആര്. ശശി, ബിജു, അനില്കുമാര് തുടങ്ങിയവര് സംസാരിച്ചു.
ചങ്ങനാശ്ശേരി: ബിജെപി ചങ്ങനാശ്ശേരി മണ്ഡലത്തിന്റെ നേതൃത്വത്തില് പ്രതിഷേധ ജാഥ നടത്തി. കാസര്ഗോഡ് വച്ച് ദേശീയ നേതാക്കളായ കെ. സുരേന്ദ്രനെയും, വല്സന് തില്ലങ്കരിയേയും മാര്സിസ്റ്റ് ഭീകരര് ആക്രമിച്ചതില് പ്രതിഷേധിച്ചായിരുന്നു മാര്ച്ച്.
ഭരണത്തിലേറിയതുമുതല് തുടര്ന്നുവരുന്ന സംഘ പരിവാര് പ്രവര്ത്തകരോടുള്ള കിരാത വാഴ്ച്ച ഇന്ന് ദേശീയ നേതാക്കളോട് പോലും തുടരുവാന് തയ്യാറാവുന്നു. ഇത് വെച്ചുപൊറുപ്പിക്കില്ലെന്നും, സിപിഎം ഈ കിരാതവാഴ്ചയില് നിന്ന് പിന്തിരിയണമെന്നും പ്രതിഷേധയോഗം ഉത്ഘാടനം ചെയ്തു കൊണ്ട് മണ്ഡലം അദ്ധ്യക്ഷന് എംഎസ്വിശ്വനാഥന് പറഞ്ഞു.
മണ്ഡലം ജനറല് സെക്രട്ടറിമാരായ എ. മനോജ്, ബി. ആര്. മഞ്ജീഷ്, സംസ്ഥാന സമിതി അംഗങ്ങളായ എന്.പി. കൃഷ്ണകുമാര്, പി.പി. ധീരസിംഹന്, രതീഷ് ചെങ്കിലാത്ത്, കെ.കെ. സുനില് കുമാര്, പി. മുരളീധരന്, പ്രസന്നകുമാരി ടീച്ചര്, അമ്പിളി വിനോദ് ,വിനയകുമാര്, വിജയലക്ഷ്മിയമ്മാള്, എന്.ടി. ഷാജി തുടങ്ങിയവര് പ്രസംഗിച്ചു.
പാലാ: കാസര്ഗോഡ് ആര്എസ്എസ് ബിജെപി നേതാക്കളായ വത്സന് തില്ലങ്കേരി, കെ. സുരേന്ദ്രന് എന്നിവരെ സിപിഎം വധിക്കാന്ശ്രമിച്ച സംഭവത്തില് പ്രതിഷേധിച്ച് പാലാ സംഘപരിവാര് സംഘടനകളുടെ നേതൃത്വത്തില് പ്രതിഷേധ പ്രകടനം നടത്തി. സോമശേഖരന് തച്ചേട്ട്, ജി. രഞ്ജിത്ത്, ദീപു സി.ജി., ബാബു മേലണ്ണൂര്, ശുഭ സുന്ദര്രാജ്, എ.കെ. സോമശേഖരന്, അശോക് കുമാര്, ബാലകൃഷ്ണന് പര്യാത്ത്, പി.പി. നിര്മ്മലന് എന്നിവര് പ്രകടനത്തിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: