വളയം: വാണിമേലില് വ്യാപാരി ഹര്ത്താല് പൂര്ണ്ണം. റോഡ് വികസനവുമായി ബന്ധപ്പെട്ട് കുടി ഒഴിപ്പിക്കപ്പെട്ട കച്ചവടക്കാരെ പുനരധിവസിപ്പിക്കാത്തതില് പ്രതിഷേധിച്ചായിരുന്നു ഹര്ത്താല് . സംയുക്ത സമരസമിതിയുടെ നേതൃത്വത്തില് ഇന്നലെ വാണിമേലില് വ്യാപാരികള് കടകള് അടച്ചു ഹര്ത്താല് ആചരിക്കുകയും വാണിമേല് ഗ്രാമ പഞ്ചായത്ത് കാര്യാലയം ഉപരോധിക്കുകയും ചെയിതു .ഉപരോധസമരത്തല് നൂറോളം വ്യാപാരികള് പങ്കെടുത്തു.
ഗ്രാമ പഞ്ചായത്ത് കാര്യാലയം ഉപരോധിച്ച നാല്പ്പത്തി മൂന്ന് പേര്ക്കെതിരെ വളയം പോലീസ്സ് കേസെടുത്തു ഗ്രാമ പഞ്ചായത്ത് ഭരണസമിതി ഉള്പ്പെടുന്ന റോഡ് വികസന സമിതിയുടെ ഉറപ്പിന്മേലയിരുന്നു റോഡ് വികസനത്തതിനായി തങ്ങളുടെ ജീവിതമാര്ഗമായിരുന്ന കടകള് വിട്ടുകൊടുത്തത്. കച്ചവട സ്ഥാപനത്തില് നിന്നും ഒഴിഞ്ഞ് കൊടുത്ത് രണ്ട് വര്ഷക്കാലമായിട്ടും വ്യാപാരികള്ക്ക് നല്കിയ ഉറപ്പ് പാലിക്കാത്തതില് പ്രതിഷേധിച്ചാണ് ഇന്നലെ രാവിലെ പഞ്ചായത്ത് കാര്യാലയം ഉപരോധിച്ചത്.
പതിനൊന്ന് മണിയോടെ വളയം അഡീഷണല് എസ് .ഐ സുധാകരന്റെ നേതൃ ത്വത്തിലുള്ള പൊലീസ് സംഘം വ്യാപാരികളെ അറസ്റ്റ് ചെയ്ത് നീക്കി .ഉപരോധ സമരം വ്യാപാരി വ്യവസായി സമതി ജില്ലാ സെക്രട്ടറി സി കെ വിജയന് ഉദ്ഘാടനം ചെയ്തു.
പ്രതികരിക്കാൻ ഇവിടെ എഴുതുക: