തിരുവനന്തപുരം: ട്രഷറികള്ക്ക് വേണ്ടുന്ന പണം ലഭിച്ചതോടെ ശമ്പള – പെന്ഷന് വിതരണം സുഗമമായി നടന്നു. 201.96 കോടി രൂപയായിരുന്നു ആവശ്യപ്പെട്ടത്. ട്രഷറികളില് മുന്നീക്കിയിരിപ്പ് ഉണ്ടായിരുന്നതിനാല് 130 കോടി രൂപ ആര്ബിഐ ട്രഷറികള്ക്ക് നല്കി.
വരവും നീക്കിബാക്കിയും ഉള്പ്പെടെ ഇന്നലെ 645.3 കോടി രൂപ ട്രഷറികളില് നിന്ന് വിതരണം ചെയ്തു. മട്ടന്നൂര് ജില്ലാട്രഷറി, മട്ടന്നൂര് സബ് ട്രഷറി, പയ്യന്നൂര് സബ് ട്രഷറി, വേങ്ങര സബ് ട്രഷറി എന്നിവിടങ്ങളില് സാങ്കേതിക തകരാര് ഉണ്ടായതിനെ തുടര്ന്ന് പണം ലഭിച്ചില്ല. 41,286 പേര്ക്ക് 74.49 കോടി രൂപ പെന്ഷന് ഇനത്തില് നല്കി. 6500ഓളം പേര്ക്ക് 17.36 കോടി രൂപ ശമ്പള ഇനത്തിലും മറ്റ് ട്രഷറി സേവിങ്സിലുമായി പിന്വലിച്ചു.
36.8കോടി രൂപ ക്ഷേമപെന്ഷന് ഇനത്തില് വിതരണം ചെയ്തു. വിവിധ വകുപ്പുകള്ക്ക് അവശ്യം വേണ്ടുന്ന 516.6 കോടി രൂപയും നല്കി. ബാങ്കുകള് വഴിയുള്ള പെന്ഷന് – ശമ്പള വിതരണത്തിനും തടസ്സം നേരിട്ടില്ല. എടിഎം കൗണ്ടറിലും തിരക്ക് നന്നേ കുറവായിരുന്നു.
പ്രതികരിക്കാൻ ഇവിടെ എഴുതുക: