പടിയൂര്: പടിയൂര് ശ്രീ മുച്ചിലോട്ട് ഭഗവതി ക്ഷേത്രത്തിലെ കളിയാട്ട മഹോത്സവം 8 മുതല് 10വരെ തിയ്യതികളിലായി നടക്കും. 8ന് രാവിലെ വയത്തൂര് കാലിയാല് ശിവക്ഷേത്രത്തില് നിന്നും ദീപവും തിരിയും കൊണ്ടുവരല്, തുടര്ന്ന് ക്ഷേത്രം തന്ത്രി ഇടവലത്ത് പുടയൂര് മനക്കല് കുബേരന് നമ്പൂതിരിപ്പാടിന്റെ മുഖ്യ കാര്മ്മികത്വത്തില് താന്ത്രിക കര്മ്മങ്ങള്, വൈകുന്നേരം 4.30ന് പടിയൂര് ശ്രീ പൊടിക്കളം ഭഗവതി ക്ഷേത്രത്തിലേക്ക് എഴുന്നള്ളത്ത്, 5 മണിക്ക് പൊടിക്കളം ഭഗവതി ക്ഷേത്രത്തില് നിന്നും കലവറ നിറക്കല് ഘോഷയാത്ര, സന്ധ്യക്ക് ദീപാരാധന, തുടര്ന്ന് സന്ധ്യാ വേല, രാത്രി മുച്ചിലോട്ട് ഭഗവതി, കണ്ണങ്കാട്ട് ഭഗവതി, പുലിയൂര് കാളി ഭഗവതി എന്നിവയുടെ തോറ്റം, തുടര്ന്ന് തുടങ്ങല് അടിയന്തിരം. 9ന് രാവിലെ മുതല് കണ്ണങ്കാട്ട് ഭഗവതി, പുലിയൂര് കാളി തെയ്യക്കോലങ്ങള്, ഉച്ചക്ക് മുച്ചിലോട്ട് ഭഗവതിയുടെ ഉച്ചത്തോറ്റം, സന്ധ്യക്ക് പുലിയൂര് കണ്ണന് ദൈവത്തിന്റെ വെള്ളാട്ടം, രാത്രി മുച്ചിലോട്ട് ഭഗവതിയുടെ അന്തിത്തോറ്റം, കൂടിയാട്ടം, തുടര്ന്ന് വടക്കേന്ഭാഗം, ഇളനീര്പൊളി, പുലിയൂര് കണ്ണന് ദൈവത്തിന്റെ കോലം പുറപ്പാട്, കല്ല്യാണപ്പന്തല് എഴുന്നള്ളത്ത്, 10ന് രാവിലെ മുച്ചിലോട്ട് ഭഗവതിയുടെ കൊടിയിലത്തോറ്റം, കണ്ണങ്കാട്ട് ഭഗവതി, പുലിയൂര് കാളി തെയ്യങ്ങളുട പുറപ്പാട്, ഉച്ചക്ക് മേലേരി കയ്യേല്ക്കല്, തുടര്ന്ന് മുച്ചിലോട്ട് ഭഗവതിയുടെ തിരുമുടി നിവരല്, രാത്രി തിരുമുടി ആറാടിക്കല് എന്നിവയാണ് പ്രധാന ചടങ്ങുകള്.
പ്രതികരിക്കാൻ ഇവിടെ എഴുതുക: