കായണ്ണബസാര്: തൊഴിലുറപ്പ് പദ്ധതി അട്ടിമറിക്കുന്നു. എല്ഡിഎഫ് ഭരിക്കുന്ന പഞ്ചായത്തുകളില് തൊഴിലുറപ്പ് പദ്ധതിയിലെ തൊഴിലാളികളെ സിപിഎം പരിപാടികളില് പങ്കെടുപ്പിക്കുന്നതിനായി തൊഴില് സമയത്തില് മാറ്റം വരുത്തുകയാണ്. ഇക്കഴിഞ്ഞ മനുഷ്യച്ചങ്ങലയില് ആളെക്കൂട്ടിയത് തൊഴിലുറപ്പ് തൊഴിലാളികളെ ഉപയോഗിച്ചാണെന്ന് പരാതി ഉയര്ന്നിരുന്നു.
സര്ക്കാര് വിജ്ഞാപനത്തില് രാവിലെ 9 മണി മുതല് വൈകീട്ട് 5 മണി വരെയാണ് പ്രവര്ത്തന സമയം. എന്നാല് പാര്ട്ടി പരിപാടിക്കനുസരിച്ച് സമയം ക്രമീകരിക്കുകയാണ്. പല പഞ്ചായത്ത് സെക്രട്ടറിമാരും എതിര്പ്പ് പ്രകടിപ്പിച്ചിട്ടുണ്ടെങ്കിലും സിപിഎം സ്വാധീന കേന്ദ്രങ്ങളില് പദ്ധതി അട്ടിമറിക്കുകയാണ്. ഇതിനെതിരെ ജില്ലാ കലക്ടര്ക്ക് ബിജെപി കായണ്ണ പഞ്ചായത്ത് കമ്മറ്റി പരാതി നല്കി പ്രസിണ്ടന്റ് പി.സി. ബാലനാണ് പരാതി നല്കിയത്.
പഞ്ചായത്തില് ബിജെപിയുടെ നേതൃത്വത്തില് നിരീക്ഷണസഭ എന്ന പേരില് എല്ലാ വാര്ഡിലും തൊഴിലുറപ്പ് പദ്ധതി പ്രവര്ത്തനത്തെ നിരീക്ഷിക്കാന് തീരുമാനിച്ചു.
പി.സി. ബാലന്റെ അദ്ധ്യക്ഷതയില് നടന്ന യോഗം സുനിഷ് പുതുക്കുടി, സി. പ്രകാശന്, നിധിന്രാജ്, ശ്രീജിത്ത് സംസാരിച്ചു.
പ്രതികരിക്കാൻ ഇവിടെ എഴുതുക: