തൊടുപുഴ: അറക്കുളം ക്ഷേത്രോത്സവത്തിന് മുന്നോടിയായി ശബരിമലയില് നിന്നുള്ള കൊടിക്കൂറ ഘോഷയാത്ര ഇന്ന് അറക്കുളത്ത് എത്തിച്ചേരും. തെക്കുംചേരി കുടുംബാംഗം താഴത്തുമനയ്ക്കല് ഗോപാലകൃഷ്ണ പണിക്കര് ശബരിമലയില് നിന്നും ഏറ്റു വാങ്ങുന്ന കൊടിയും , മണിയും പമ്പാ ഗണപതി ക്ഷേത്രത്തിലെത്തിച്ച് ഇന്ന് രാവിലെ 10ന് വിവിധ വാഹനങ്ങളുടെ അകമ്പടിയോടെ, രഥഘോഷയാത്രയായി പമ്പയില് നിന്നും പുറപ്പെടും.
തിടനാട്, മുട്ടം, ശങ്കരപ്പിള്ളി, കുടയത്തൂര്, കാഞ്ഞാര് എന്നിവിടങ്ങളിലെ വിവിധ ക്ഷേത്രങ്ങളില് നല്കുന്ന സ്വീകരണങ്ങള്ക്ക് ശേഷം താലപ്പൊലി, വാദ്യമേളങ്ങള് എന്നിവയുടെ അകമ്പടിയോടെ വൈകിട്ട് 6ന് അറക്കുളത്തെ ക്ഷേത്ര സന്നിധിയില് എത്തി ചേരുമ്പോള് വിശേഷാല് ദീപാരാധനയും നടക്കും.
ശബരിമലയില് നിന്നും പൂര്വ്വാചാരപ്രകാരം ലഭിക്കുന്ന കൊടി കൊണ്ടാണ് ഇവിടുത്തെ ഉത്സവത്തിന് കൊടിയേറുന്നത്. ജനുവരി 24നാണ് കൊടിയേറ്റ്. 22ന് ക്ഷേത്രം തന്ത്രിയുടെ നിര്ദേശപ്രകാരം നടത്തുന്ന വേട്ടക്കൊരുമകന് പാട്ടും, പന്തീരായിരം നാളികേരം ഉടക്കല് വഴിപാടും നടക്കും. 26 ന് വൈകിട്ട് 5ന് പന്തളം വലിയകോയിക്കല് കൊട്ടാരത്തിലെ പുണര്തം തിരുനാള് നാരായണ വര്മ്മയ്ക്ക് ക്ഷേത്രത്തില് സ്വീകരണം നല്കും.
പ്രതികരിക്കാൻ ഇവിടെ എഴുതുക: