ആലപ്പുഴ: എംപി കെ.സി. വേണുഗോപാലിന്റെ മതേതരത്വ നിലപാട് കപടമാണെന്ന് ബിജെപി ജില്ലാ പ്രസിഡന്റ് കെ. സോമന്. അധികാരത്തിലിരുന്ന കാലത്തെല്ലാം സംഘടിത വോട്ട് കിട്ടാന് പ്രീണനത്തിന്റെ നിലപാട് സ്വീകരിച്ച കോണ്ഗ്രസില് നിന്ന് ബിജെപിക്ക് മതേതരത്വം പഠിക്കേണ്ടതില്ല. മതേതരകേരളത്തില് തുഞ്ചത്തെഴുത്തച്ഛന്റെ പ്രതിമ സ്ഥാപിക്കാന് കഴിയാത്തതിന്റെ കാരണം കെ.സി. വേണുഗോപാല് മറച്ചുവക്കുകയാണ്. രാജ്യത്ത് അടിയന്തരാവസ്ഥ പ്രഖ്യാപിച്ച് അഭിപ്രായ സ്വാതന്ത്ര്യം നിരോധിച്ച കോണ്ഗ്രസിന്റെ നയമല്ല ബിജെപിയുടേത്. സംവിധായകന് കമല് പ്രധാനമന്ത്രിയെ വിമര്ശിച്ചതിന് മറുപടി പറയാനുള്ള എ.എന്. രാധാകൃഷ്ണന്റെ സ്വാതന്ത്ര്യവും അവകാശവും കെ.സി വേണുഗോപാല് തടയാന് ശ്രമിക്കരുതെന്നും അദ്ദേഹം പ്രസ്താവനയിലൂടെ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: