തൊടുപുഴ : 13 മുതല് 15 വരെ തൊടുപുഴയില് നടക്കുന്ന ഭാരതീയ വിദ്യാനികേതന് സംസ്ഥാന സ്കൂള് കലോല്സവത്തിനുള്ള ഒരുക്കങ്ങള് പൂര്ത്തിയായതായി സ്വാഗതസംഘം ഭാരവാഹികള് വാര്ത്താ സമ്മേളനത്തില് അറിയിച്ചു. 14 ജില്ലകളില് നിന്ന് മൂവായിരത്തോളം പേരാണ് മൂന്നു ദിവസത്തെ കലാമേളയില് പങ്കെടുക്കുക. തൊടുപുഴ സരസ്വതി വിദ്യാഭവന് സെന്ട്രല് സ്കൂള്, ഷെറോണ് കണ്വന്ഷന് സെന്റര്, വെങ്ങല്ലൂര് എന്.എസ്.എസ്. ഹാള്, സമീപത്തെ പ്രത്യേകം പന്തലുകള് എന്നിവടങ്ങളിലായി പത്തു സ്റ്റേജുകളിലായാണ് മത്സരങ്ങള് നടക്കുന്നത്. വിദ്യാഭാരതിയുടെ കേരള ഘടകമാണ് ഭാരതീയ വിദ്യാനികേതന്. 438 സ്കൂളുകളില് നിന്നുമുള്ള കലാപ്രതിഭകളാണ് പങ്കെടുക്കുന്നത്.
13 ന് വൈകിട്ട് മൂന്നിന് വിളംബര ഘോഷയാത്ര.
4.30 ന് സരസ്വതി വിദ്യാഭവന് സെന്ട്രല് സ്കൂള് അങ്കണത്തില് കേന്ദ്ര മാനവ വിഭവശേഷി സഹമന്ത്രി ഡോ.മഹേന്ദ്രനാഥ് പാണ്ഡെ ഉദ്ഘാടനം ചെയ്യും. അഡ്വ. ജോയിസ്ജോര്ജ്ജ് എംപി, പി. ജെ. ജോസഫ് എംഎല്എ എന്നിവര് മുഖ്യാതിഥികളായിരിക്കും. സ്വാഗതസംഘം ചെയര്മാന് ഡോ.കെ സുബ്രഹ്മണ്യ അയ്യര് അദ്ധ്യക്ഷത വഹിക്കും. കുമ്മനം രാജശേഖരന് മുഖ്യപ്രഭാഷണം നടത്തും. കലാമത്സരങ്ങളുടെ ഉദ്ഘാടനം ബാലതാരം കുമാരി മീനാക്ഷി (ഒപ്പം ഫെയിം) നിര്വ്വഹിക്കും. വിദ്യാഭാരതി ദേശീയ സഹ കാര്യദര്ശി എന് സി റ്റി രാജഗോപാല് ധ്വജാരോഹണം നിര്വ്വഹിക്കും ഭാരതീയ വിദ്യാനികേതന് സംസ്ഥാന അധ്യക്ഷന് എ. കെ. ശ്രീധരന് മാസ്റ്റര് ആമുഖ ഭാഷണം നടത്തും.
15 ന് വൈകിട്ട് 4 ന് സമാപന സദസ്സ് ഒ രാജഗോപാല് എം എല് എ ഉദ്ഘാടനം ചെയ്യും. വിദ്യാനികേതന് സംസ്ഥാന വൈസ് പ്രസിഡന്റ് സി ആര് വിനോദ്കുമാര് അദ്ധ്യക്ഷത വഹിക്കും. അയ്യപ്പ സേവാ സമാജം പ്രസിഡന്റ് സ്വാമി അയ്യപ്പദാസ് , ഭാരതീയ വിദ്യാനികേതന് സംസ്ഥാന ജനറല് സെക്രട്ടറി എം വേണുഗോപാല്, എന്നിവര് ആശംസകള് അര്പ്പിക്കും . ദേശീയ സഹ കാര്യ ദര്ശി എന് സി റ്റി രാജഗോപാല് സമ്മാനദാനം നിര്വ്വഹിക്കും.
വാര്ത്താസമ്മേളനത്തില് വിദ്യാനികേതന് സംസ്ഥാന സഹ സംഘടനാ സെക്രട്ടറി എ.ജി. രാധാകൃഷ്ണന്, ജനറല് കണ്വീനര് എം.എന്. ഹരിദാസ്, സ്വാഗസംഘം വൈസ് ചെയര്മാന് പ്രൊഫ. പി. ജി. ഹരിദാസ്, ഭാരതീയ വിദ്യാനികേതന് ജില്ലാ അദ്ധ്യക്ഷന് കെ.എന് വിജയന് , സ്കൂള് പ്രിന്സിപ്പല് കെ.എം. ശ്രീലത മീഡിയാ കമ്മറ്റി കണ്വീനര് എസ് പത്മഭൂഷന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: