ആലപ്പുഴ: റേഷന് നിഷേധം, അക്രമരാഷ്ട്രീയം, സഹകരണ പ്രതിസന്ധി എന്നീ വിഷയങ്ങള് ഉന്നയിച്ച് സംസ്ഥാന ജനറല് സെക്രട്ടറി ശോഭ സുരേന്ദന് നയിക്കുന്ന മദ്ധ്യമേഖലാ പ്രചാരണ യാത്ര ഇന്ന് ആലപ്പുഴയില് സമാപിക്കും. അരൂര്, ചേര്ത്തല മണ്ഡലങ്ങളില് പര്യടനം നടത്തിയശേഷമാണ് ആലപ്പുഴയില് സമാപിക്കുന്നത്. രാത്രി ഏഴിന് ആലപ്പുഴ മഹേശ്വരി ഗ്രൗണ്ടില് നടക്കുന്ന സമാപന സമ്മേളനം മുന് സംസ്ഥാന പ്രസിഡന്റ് വി.മുരളീധരന് ഉദ്ഘാടനം ചെയ്യും. ജില്ലാ പ്രസിഡന്റ് കെ. സോമന് അദ്ധ്യക്ഷത വഹിക്കും. ജോര്ജ്ജ് കുര്യന്, പി.എം. വേലായുധന്, ബി. ഗോപാലകൃഷ്ണന്, രേണു സുരേഷ് എന്നിവര് സംസാരിക്കും.
വൈകിട്ട് മൂന്നിന് അരൂര് നിയോജകമണ്ഡലം കമ്മിറ്റിയുടെ ആഭിമുഖ്യത്തില് തുറവൂരില് ജില്ലയിലെ ആദ്യ സ്വീകരണം നല്കും. അയ്യായിരത്തോളം പ്രവര്ത്തകര് പങ്കെടുക്കുന്ന സമ്മേളനത്തിന് മുന്നോടിയായി സ്വീകരണനഗരിയും പരിസരവും കൊടിതോരണങ്ങളാല് അലങ്കരിച്ചു. കുമ്പളം പാലം മുതല് യാത്ര കടന്നുവരുന്ന വഴികളിലെല്ലാം കൊടികളും ആശംസാ ബോര്ഡുകളും സ്ഥാപിച്ചു.
നിയോജക മണ്ഡലം പ്രസിഡന്റ് പെരുമ്പളം ജയകുമാര്, അഡ്വ. ബി. ബാലാനന്ദ്, സി. മധുസൂദനന്, എസ്. ദിലീപ് കുമാര്, എന്.വി. പ്രകാശന്, കെ.കെ. സജീവ്, സി.ആര്. രാജേഷ്, സി. മിഥുന്ലാല് എന്നിവരടങ്ങുന്ന സ്വാഗതസംഘമാണ് പ്രവര്ത്തനങ്ങള്ക്ക് നേതൃത്വം നല്കുന്നത്. ചേര്ത്തലയില് മുട്ടത്തു പള്ളിക്ക് സമീപമുള്ള നഗരസഭ മൈതാനത്ത് വൈകിട്ട് അഞ്ചിന് യാത്ര എത്തിച്ചേരും. വിവിധ മോര്ച്ചകളുടെയും ക്ഷേത്ര സംഘടനകളുടെയും നേതൃത്വത്തില് യാത്രയെ സ്വീകരിക്കാന് വിപുലമായ ഒരുക്കങ്ങള് പൂര്ത്തിയാക്കി. സ്വീകരണ സമ്മേളനത്തില് മണ്ഡലം പ്രസിഡന്റ് സാനു സുധീന്ദ്രന് അദ്ധ്യക്ഷത വഹിക്കും.
പി.എം. വേലായുധന്, ജയസൂര്യന്, വെള്ളിയാകുളം പരമേശ്വരന്, കെ. സോമന്, കൊട്ടാരം ഉണ്ണിക്കൃഷ്ണന് തുടങ്ങിയ നേതാക്കള് സംസാരിക്കും. സുമംഗലി മോഹന്, സുമി ഷിബു, എം.എസ്. ഗോപാലകൃഷ്ണന്, അരുണ്.കെ. പണിക്കര്, എസ്. സാജന്, കെ.ബി. ഷാജി, പത്മകുമാര് എന്നിവര് നേതൃത്വം നല്കും.
പ്രതികരിക്കാൻ ഇവിടെ എഴുതുക: