കണ്ണൂര്: മണ്ണും ജലവും സംരക്ഷിക്കാനും നാടിന്റെ പച്ചപ്പ് തിരിച്ചുപിടിക്കാനുമായി സംസ്ഥാന സര്ക്കാര് ആരംഭിച്ച ഹരിതകേരളം മിഷന് പ്രവര്ത്തനങ്ങള്ക്ക് ഊര്ജം പകരാന് ഇന്ഫര്മേഷന് പബ്ലിക് റിലേഷന്സ് വകുപ്പൊരുക്കിയ ഹരിത എക്സ്പ്രസ് വാഹന കലാജാഥ ഫെബ്രുവരി 15, 16, 17 തീയതികളില് ജില്ലയില് പര്യടനം നടത്തും. 15ന് വൈകീട്ട് പയ്യന്നൂരില് നിന്ന് ആരംഭിക്കുന്ന പ്രദര്ശന വാഹനത്തിന്റെ പര്യടനം 17ന് വൈകീട്ട് തലശ്ശേരിയില് സമാപിക്കും. തിരുവനന്തപുരത്ത് നിന്ന് യാത്രയാരംഭിച്ച ഹരിത എക്സ്പ്രസ് മറ്റു ജില്ലകളിലെ പര്യടനങ്ങള്ക്ക് ശേഷമാണ് കണ്ണൂരിലെത്തുന്നത്.
ജലസംരക്ഷണം, മാലിന്യനിര്മാര്ജനം, കാര്ഷിക സംസ്കാരം എന്നീ സന്ദേശങ്ങള് പകര്ന്നുനല്കാന് കടമ്പനാട് ജയചന്ദ്രന്റെ നേതൃത്വത്തിലുള്ള കലാകാരന്മാര് അവതരിപ്പിക്കുന്ന നാടന് പാട്ടുകളും കലാപരിപാടികളും ഹരിത എക്സ്പ്രസിന്റെ സവിശേഷതയാണ്.
15ന് വൈകീട്ട് നാലു മണി-പയ്യന്നൂര്, 6.30- കണ്ണൂര്, 16ന് രാവിലെ 11 മണി- പട്ടുവം, 12 മണി- ഗവ.എഞ്ചിനീയറിംഗ് കോളേജ്, വൈകീട്ട് നാലു മണി- മട്ടന്നൂര് ബസ് സ്റ്റാന്റ്, അഞ്ച് മണി- ഇരിട്ടി പഴയ ബസ് സ്റ്റാന്റ്, ഏഴ് മണി -കണ്ണൂര്, 17ന് രാവിലെ 10.30- പാനൂര്, ഉച്ചയ്ക്ക് 12 മണി- അഴീക്കോട്, വൈകീട്ട് 4.30- പിണറായി, 5.30 -തലശ്ശേരി എന്നിവിടങ്ങളിലാണ് വാഹനം പര്യടനം നടത്തുക.
പ്രതികരിക്കാൻ ഇവിടെ എഴുതുക: