മട്ടന്നൂര്: മട്ടന്നൂര് ജയകേരള സംഘടിപ്പിച്ച സംസ്ഥാന പ്രൊഫഷണല് നാടക മത്സരത്തിന്റെ പുരസ്കാരസമര്പ്പണം നാളെ വൈകുന്നേരം മട്ടന്നൂര് ടാക്സി സ്റ്റാന്റ് പരിസരത്ത് നടക്കും. 3 മണിക്ക് മട്ടന്നൂര് പബ്ലിക് ലൈബ്രറിയുമായി ചേര്ന്ന് എല്ലാവര്ക്കും പാടുവാനുള്ള അവസരമൊരുക്കുന്ന പ്രതിമാസപരി പാടി ‘ഞാനും പാടും’, വൈകുന്നേരം 5.05ന് ഗാനസന്ധ്യ. തുടര്ന്ന് 5.25 ന് നടക്കുന്ന പുരസ്കാരസന്ധ്യ അഡ്വ. സണ്ണിജോസഫ് എംഎല്എ ഉദ്ഘാടനം ചെയ്യും. ആസ്ത്രേലിയയിലെ ഇന്ത്യന് ഹൈക്കമ്മീഷണര് എ.അജയ്കുമാര് പുരസ്കാരസമര്പ്പണം നടത്തും.
ചലച്ചിത്ര രചയിതാവ് ബല്റാം മട്ടന്നൂര് അവാര്ഡ് ദാനവും മട്ടന്നൂര് മുനിസിപ്പല് ചെയര്മാന് കെ.ഭാസ്കരന് മാസ്റ്റര് സമ്മാനദാനവും നിര്വ്വഹിക്കും. പി.പുരുഷോത്തമന് അധ്യക്ഷത വഹിക്കും. ചെറുതാഴം ചന്ദ്രന്, മണിയാപ്പള്ളി ആബൂട്ടി ഹാജി, എന്.പ്രകാശന് എന്നിവര് വിശിഷ്ടാതിഥികളായിരിക്കും. ചന്ദ്രന് തില്ലങ്കേരി, മോഹനന് മാനന്തേരി, അച്ചുതന് അണിയേരി എന്നിവര് സംസാരിക്കും. മട്ടന്നൂര് ഗവ.യുപി സ്കൂളിനുള്ള ഉപഹാരം പിടിഎ പ്രസിഡണ്ട് പി.കെ.ശ്രീജിത്ത് ഏറ്റുവാങ്ങും.
മട്ടന്നൂരിലെ മികച്ചചായക്കാരന്, പാചകക്കാരന്, ഉച്ചഭക്ഷണ പാചകക്കാരന്, പൊറോട്ടമേക്കര്, വ്യാപാരി, നഗരസഭാ ശുചീകരണ തൊഴിലാളി, ഹോംഗാര്ഡ് എന്നിവര്ക്ക് ചടങ്ങില് ഉപഹാരം നല്കും.
കീബോര്ഡ് വാദനം, രംഗപൂജ, ഗ്രൂപ്പ്ഡാന്സ്, നാടോടിനൃത്തം, ഭരതനാട്യം, മോഹിനിയാട്ടം, കുച്ചുപ്പുടി, സിനിമാറ്റിക് ഡാന്സ്, മാജിക് ഷോ, കഥാപ്രസംഗം, പരിയാരം ഭൂമിക കലാക്ഷേത്രം അവതരിപ്പിക്കുന്ന നാട്യവിരുന്ന് തുടങ്ങിയ കലാപരിപാടികളും ഉണ്ടായിരിക്കും.
പ്രതികരിക്കാൻ ഇവിടെ എഴുതുക: