ആലപ്പുഴ: പക്ഷിപ്പനി മൂലം താറാവിനെ കൊന്നൊടുക്കിയ കര്ഷകര്ക്ക് സര്ക്കാര് പ്രഖ്യാപിച്ച നഷ്ടപരിഹാര സഹായധനം അടിയന്തരമായി വിതരണം ചെയ്യണമെന്ന് ബിജെപി ജില്ലാ പ്രസിഡന്റ് കെ. സോമന്. താറാവുകള് ചത്തതോടെ ദുരിതപൂര്ണ്ണമായ കര്ഷകര്ക്ക് താറാവ് വളര്ത്തലിനായി പുതിയ പാക്കേജ് ഏര്പ്പെടുത്തണമെന്നും താറാവിന് ഇന്ഷുറന്സ് പരിരക്ഷ ഏര്പ്പെടുത്തണമെന്നും അദ്ദേഹം ആവശ്യപ്പെട്ടു.
താറാവുകള് കര്ഷകരോടുള്ള സര്ക്കാരിന്റെ അവഗണന അവസാനിപ്പിക്കുക, നഷ്ടപരിഹാരം നല്കുക തുടങഅങിയ ആവശ്യങ്ങള് ഉന്നയിച്ച് കര്ഷകമോര്ച്ച ജില്ലാ കമ്മറ്റി സംഘടിപ്പിച്ച കളക്ട്രേറ്റ് ധര്ണ്ണ ഉദ്ഘാടനം ചെയ്യുകയായിരുന്നു അദ്ദേഹം. കര്ഷകമോര്ച്ച ജില്ലാ പ്രസിഡന്റ് എം.വി. രാമചന്ദ്രന് അദ്ധ്യക്ഷത വഹിച്ചു.
സംസ്ഥാന ട്രഷറര് എസ്. ഉണ്ണികൃഷ്ണന്, ബിജെപി ജില്ലാ വൈസ് പ്രസിഡന്റ് പി.കെ. വേലായുധന്, കര്ഷക മോര്ച്ച ജില്ലാ ജനറല് സെക്രട്ടറി സി. ദേവാനന്ദ, അഡ്വ. പി.കെ. വിനോയി, ശ്രീകുമാര് ഭരണിക്കാവ്, എസ്.ഗോപകുമാര്, സുരേഷ് വര്മ്മ, മോഹനചന്ദ്രന്, സത്യപാലന്പിള്ള, രാജന് വെട്ടത്ത്, ഗോപാലകൃഷ്ണക്കുറുപ്പ്, എന്. സനു തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: