റിയാദ്: സൗദി അറേബ്യയില് പൊതുമാപ്പ് പ്രഖ്യാപിച്ചു. മൂന്ന് മാസത്തേക്കാണ് പ്രഖ്യാപനം. രാജ്യത്ത് അനധികൃതമായി തങ്ങുന്ന എല്ലാ വിദേശികള്ക്കും ഇളവ് ബാധകമാണ്. നാളെ മുതല് പൊതുമാപ്പ് പ്രാബല്യത്തില് വരും. എന്നാല് നിയമവിരുദ്ധ പിഴകള്ക്കും ട്രാഫിക് നിയമ ലംഘനങ്ങള്ക്കും ഇളവ് ബാധകമല്ലെന്ന് അധികൃതര് അറിയിച്ചു.
വിസ കാലാവധി കഴിഞ്ഞിട്ടും രാജ്യം വിടാതെ തങ്ങുന്ന ഹജ്ജ്, ഉംറ തീര്ഥാടകര്ക്കും പൊതുമാപ്പ് ബാധകമാണെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്തു. യാത്രാരേഖകളും ടിക്കറ്റും ഹാജരാക്കി, ലേബര് ഓഫീസ് മുഖേന രേഖകള് പൂര്ത്തീകരിച്ച് പാസ്പോര്ട്ട് ഓഫീസിനെ സമീപിച്ച് ഫൈനല് എക്സിറ്റ് വാങ്ങിയാണ് അനധികൃതമായി തങ്ങുന്നവര് രാജ്യം വിടേണ്ടത്.
ഏപ്രില് 12 വരെയാണ് പൊതുമാപ്പിന്റെ കാലാവധി. പൊതുമാപ്പ് അവസാനിക്കുന്നതോടെ നിയമവിരുദ്ധരെ പിടികൂടാനുള്ള പരിശോധന കര്ശനമാക്കുമെന്നും അധികൃതര് മുന്നറിയിപ്പ് നല്കി.
പ്രതികരിക്കാൻ ഇവിടെ എഴുതുക: