ആലപ്പുഴ: സംസ്ഥാനത്തെ നിര്മ്മാണ മേഖല പൂര്ണ്ണമായ തകര്ച്ചയിലാണെന്ന് അഖില കേരള വിശ്വകര്മ്മ മഹാസഭ സംസ്ഥാന പ്രസിഡന്റ് അഡ്വ. പി.ആര്.ദേവദാസ് പറഞ്ഞു.
നിര്മ്മാണ മേഖല ആകെ തകര്ന്നിട്ടും ഒരു ആശ്വാസ നടപടിയും സര്ക്കാരിന്റെ ഭാഗത്തുനിന്നുണ്ടാകുന്നില്ല. നിര്മ്മാണ തൊഴിലാളികള് മുഴുപ്പട്ടിണിയിലും പ്രതിസന്ധിയിലുമാണ്.
അന്യസംസ്ഥാന തൊഴിലാളികളുടെ കടന്നുവരവോടെ ഉള്ള തൊഴില് പോലും സംസ്ഥാനത്തെ പരമ്പരാഗത തൊഴിലാളികള്ക്ക് ലഭിക്കുന്നില്ല. വിശ്വകര്മ്മജരുള്പ്പടെയുള്ള പരമ്പരാഗത തൊഴിലാളികള് അഭിമുഖീകരിക്കുന്ന പ്രശ്നങ്ങള് അധികാരികളുടെ മുന്നില് കൊണ്ടുവരുവാന് 25 ന് സംസ്ഥാനത്തെ ജില്ലാ ആസ്ഥാനങ്ങളിലെ താലൂക്ക് ഓഫീസുകള്ക്കു മുമ്പില് കേരളാ ട്രഡീഷണല് ആര്ട്ടിസാന്സ് യൂണിയന്റെ (കെടിഎയു) നേതൃത്വത്തില് കൂട്ട ധര്ണ്ണ നടത്തുവാന് സംസ്ഥാന കൗണ്സില് തീരുമാനമെടുത്തതായി ദേവദാസ് പറഞ്ഞു.
വര്ക്കിങ് പ്രസിഡന്റ് പി.വാമദേവന്, ട്രഷറര് വി.രാജപ്പന്, വൈ. പ്രസിഡന്റുമാരായ രാജഗോപാല്, വി.ഏ. അഫ്സലന്, പി.ജനാര്ദ്ദനന്, സെക്രട്ടറിമാരായ ചിത്രാസ് സോമന്, കെ.മുരളീധരന്, പി.എന്.കേശവന് കുട്ടി എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: