കോട്ടയം: മറ്റക്കര ടോംസ് എഞ്ചിനീയറിംഗ് കോളേജ് ഉടമയുടെ വീട്ടിലേക്ക് എബിവിപി നടത്തിയ മാര്ച്ചില് സംഘര്ഷം. ഇന്ന് കെടിയു പരീക്ഷകള് നടക്കാനിരിയ്ക്കെ ആശങ്കയിലായിരുന്ന വിദ്യാര്ത്ഥികളേ തിരിച്ച് ഹോസ്റ്റലില് പ്രവേശിപ്പിക്കാണമെന്നും അവര്ക്ക് പോലീസ് സംരക്ഷണം ഉറപ്പു വരുത്തണമെന്നും ആവശ്യപ്പെട്ടായിരുന്നു മാര്ച്ച്. ഇന്ന് തുടങ്ങുന്ന പരീക്ഷകള് നടക്കുമോ എന്ന ആശങ്കയിലായിരുന്നു വിദ്യാര്ത്ഥികള്. ഇവിടെ പഠിക്കുന്ന ഭൂരിഭാഗം കുട്ടികളും ദൂരപ്രദേശങ്ങളില് നിന്നുള്ളവരാണ്. വിദ്യാര്ത്ഥികള്ക്ക് ഹോസ്റ്റലില് താമസിക്കുന്നതിന് മാനേജ്മെന്റിന്റെ ഭാഗത്തു നിന്ന് ഭീഷണിയും ഉണ്ടായിരുന്നു. എബിവിപി നടത്തിയ ചര്ച്ചയില് വിദ്യാര്ത്ഥികളുടെ പരീക്ഷകള് കൃത്യമായി നടക്കുമെന്നും, ലേഡീസ്മെന്സ് ഹോസ്റ്ലുകളില് വിദ്യാര്ത്ഥികളേ തിരികെ പ്രവേശിപ്പിക്കുമെന്നും, രണ്ട് ഹോസ്റ്റലുകള്ക്കും പോലീസ് സംരക്ഷണം നല്കുമെന്നും ഉറപ്പ് നല്കി. എബിവിപി സംസ്ഥാന ജോയിന്റ് സെക്രട്ടറി ആര് കൃഷ്ണരാജ് മാര്ച്ച് ഉദ്ഘാടനം ചെയ്തു. ജില്ല കണ്വീനര് അരുണ് കെ.സി, ദേശീയ സമിതിഅംഗം ശരത് ശിവന്, വിഭാഗ് ജോയിന്റ് കണ്വീനര് വി.എസ.് വിഷ്ണു, ജില്ല ജോയിന്റ് കണ്വീനര് മണിക്കുട്ടന് തെക്കനാല് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: