എരുമേലി: മധ്യതിരുവിതാംകൂറില് വിമാനത്താവള പദ്ധതി നടപ്പിലാക്കുന്നതിന്റെ ഭാഗമായി നടത്തിയ എയര്പോര്ട്ട് സാധ്യതാ പഠന റിപ്പോര്ട്ട് സംസ്ഥാന സര്ക്കാരിന്റെ ഇന് പ്രിന്സിപ്പല് അപ്രൂവലിനായി മുഖ്യന്ത്രിക്ക് സമര്പ്പിച്ചതിനെ തുടര്ന്ന് പദ്ധതി പ്രവര്ത്തനങ്ങള് വേഗത്തിലാക്കുന്നതിനായി കൗണ്സില് രൂപീകരിച്ചു.
മധ്യതിരുവിതാംകൂറിലെ ഒരു ലക്ഷം പ്രദേശവാസികളെ ഉള്പ്പെടുത്തി വിമാനത്താവള പദ്ധതിയില് സാധാരണക്കാരുടെ പങ്കാളിത്തം ഉറപ്പാക്കുക എന്നതാണ് ആക്ഷന്കൗണ്സിലിന്റെ പ്രധാന ലക്ഷ്യമെന്നും ഭാരവാഹികള് പത്രസമ്മേളനത്തില് പറഞ്ഞു.
എയര്പോര്ട്ട് പദ്ധതി യാഥാര്ഥ്യമാക്കുക എന്ന ലക്ഷ്യത്തോടെ ഗ്ലോബല് ഇന്ത്യന് അസ്സോസിയേഷന്റെ നേതൃത്വത്തില് പ്രവാസികളുടെ സഹകരണത്തോടെ പത്തനംതിട്ടയില് ആരംഭിച്ച ഇന്ഡോ ഹെറിറ്റേജ് ഇന്റര്നാഷണല് ഏറോപോളിസ് പ്രൈവറ്റ് ലിമിറ്റഡ് എന്ന പുതിയ വിമാനത്താവളക്കമ്പനിയാണ് എയര്പോര്ട്ട് സാധ്യതാ പഠനം നടത്തിയത്. ലോകത്തിലേ ഏറ്റവും വലിയ വിമാനത്താവള കണ്സള്ട്ടിങ് കമ്പനിയായ അമേരിക്കയിലെ എയ്കോം എന്ന കമ്പനിയാണ് ചെറുവള്ളി, ളാഹ, കുമ്പഴ, കല്ലേലി, കുറ്റിക്കല് എന്നീ അഞ്ച് എസ്റ്റേറ്റുകളില് സാധ്യതാ പഠനം നടത്തിയത്. ചെറുവള്ളി എസ്റ്റേറ്റും, ളാഹ എസ്റ്റേറ്റും വിമാനത്താവളത്തിന് അനുയോജ്യമാണെന്നാണ് പഠന റിപ്പോര്ട്ട് വ്യക്തമാക്കുന്നത്.
ഭൂമിശാത്രപരമായി ചെറുവള്ളി എസ്റ്റേറ്റിന് പ്രശ്നങ്ങള് ഒന്നുമില്ല. സംസ്ഥാന സര്ക്കാരും ചെറുവള്ളി എസ്റ്റേറ്റ് അധികൃതരുമായുള്ള കേസുകള് പരിഹരിക്കുവാന് സാധിക്കുമെങ്കില് വിമാനത്താവളത്തിന് ഏറ്റവും അനുയോജ്യമായ സ്ഥലം എരുമേലിയിലെ ചെറുവള്ളി എസ്റ്റേറ്റാണെന്നും റിപ്പോര്ട്ടില് പറഞ്ഞു.
വിമാനത്താവളം പദ്ധതിക്കായി സ്ഥലം ഏറ്റെടുക്കാന് സംസ്ഥാന സര്ക്കാര് തയ്യാറായാല് നിര്മ്മാണത്തിനാവശ്യമായ 2500 കോടി രൂപ സമാഹരിക്കുവാന് ഇന്ഡോ ഹെറിറ്റേജ് ഇന്റര്നാഷണല് ഏറോപോളിസ് പ്രൈവറ്റ് ലിമിറ്റഡ് കമ്പനി തയ്യാറാണെന്നും ഭാരവാഹികള് പറഞ്ഞു.
ഗ്ലോബല് ഇന്ഡ്യന് അസോസിയോഷന് പ്രസിഡന്റും ഇന്ഡോ ഹെറിട്ടേജ് എയര്പോര്ട്ട് പദ്ധതി മാനേജിംഗ് ഡയറക്ടറുമായ രാജീവ് ജോസഫ്,ഡയറക്ടര് കോശി കുരുവിള,,ഗ്ലോബല് ഇഡ്യന് അസോസിയേഷന് ജനറല് സെക്രട്ടറി ഷാമിലി േേജാസഫ് തുടങ്ങിയവര് പത്രസമ്മേളനത്തില് പങ്കെടുത്തു.
ആക്ഷന് കൗണ്സില് ഭാരവാഹികള് രാജീവ് ജോസഫ് (ചെയര്മാന്),സുനില്കുമാര് എരുമേലി ,ബന്നിപുത്തന്പറമ്പില് റാന്നി,സാം സോമസ് വടശേരിക്കര,കബീര് എം എ പത്തനംതിട്ട,കുര്യന് ചെറിയാന് തിരുവല്ല (കണ്വീനര്മാര്) എന്നിവരെയും തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: